Маданият вазирлиги ахборот тизимларини Ўзбекистон аҳолиси билан интеграция қилмоқчи. Унга кўра, газдан, электр энергиясидан қарзи бўлмаган, яхши яшаётган, жамиятга зарар етказмаётган, фаол ва маданиятли фуқаролар учун кешбек йиғиб берилади.
Бу ҳақда кеча, 11 март куни АОКАда бўлиб ўтган матбуот анжуманида Маданият вазирлиги Ахборот технологияларини жорий этиш ва рақамлаштириш бошқармаси бошлиғи Жасурбек Шермухаммедов маълум қилди.
“Улар учун биз кешбек йиғиб борамиз. Чунки улар жамият ҳаётида маданиятли инсон ҳисобланади. Бугунги кунда электрон ҳукумат доирасида кимнинг нимадан қарзи борлиги ҳақида тўлиқ маълумотларни ололамиз. Шу бўйича каттароқ тизим қилиб бермоқчимиз, бу эса вақт талаб қилади”, – деди Жасурбек Шермухаммедов.