- Салим Абдувалиевнинг яқинлари у билан алоқа қила олмаяптими?
- “Саидазиз Медгородок” қамоқда таъқиб ва қийноқларга учрадими?
-Asianews нашри иддаоларига расмийлар қандай жавоб қилади?
Тошкентда ўтказилган машҳур “Долзарб 40 кунлик” рейдидан сўнг қарийб бир йил ўтиб, Ўзбекистоннинг энг машҳур жиноятчиларига қарши олиб борилаётган суд жараёнлари ва апелляция ишларида чигаллик ва қарама-қаршиликлар давом этмоқда. Бу ҳақида Asianews, ёзмоқда.
Нашрнинг қайд этишича, қамоқхоналарда қийноққа солиниш билан боғлиқ норозиликлардан тортиб, суд тизимига нисбатан ҳар хил босимлар, жиноят етакчилари билан боғлиқ қариндошлар ва сиёсатчилар томонидан, ҳатто ҳуқуқ-тартибот органларининг ўзида ҳам аралашувлар кузатилмоқда.
Фақат олти йилга ҳукм қилинган ва ҳатто яқин қариндошлари ҳам билмаган жойда сақланаётган Салим Абдувалиевнинг излари йўқолган. Аммо Ўзбекистоннинг бошқа бир жиноят “авторитетлари” эса тергов органлари ва судларга тортилмай келинмоқда, деб иддао қилмоқда нашр. Масалан, Салимнинг асосий рақиби, халқаро жиноий оламда номи танилган криминал шахс Ғофур Раҳимов очиқда юрибди. Ғофурнинг (Граф номи билан танилган) жияни Равшан Мухиддинов хорижда бошпана топган.
Бундан ташқари нашр ёзишича, сўнгги кунларда 36 ёшли “Саидазиз Медгородок” номи билан танилган Саидазиз Саидалиев ўтган ёздан бери қамоқда сақланаётган ва август ойида 20 йилга озодликдан маҳрум қилинган эди. Яқинда у апелляция иши кўрилиши орқали Тошкентда яна суд залига олиб келинган эди. Саидазиз 28 нафар шериги билан биргаликда Ўзбекистоннинг барча инстанцияларида ва бошқа кўплаб мамлакатларда катта коррупция ва таъсир тизимини бошқарган. У 17 та айблов банди бўйича “баъзи суиистеъмолларга йўл қўйганини” тан олади, бироқ кўпчилик ҳолатларда ўзининг айбсизлигини исботлашга умид қилмоқда. Унинг қамоқхонадаги хатти-ҳаракатлари оқибатида икки марта ёлғиз(жазоли) камерага олиб келган бўлиб, бу қўриқчилар томонидан “таъқиб ва қийноқлар” ҳақида норозиликларни келтириб чиқарган.
«Саидазиз Медгородок» Салим Абдувалиевга жуда яқин бўлиб, уни “ота” сифатида тан олади. Салим Абдувалиев ҳукуматдаги яқинлари орқали ўзига берилган жазо ҳукмини енгиллаштира олгани айтилади. Энди эса, Саидазиз ва унинг шерикларига худди шундай енгил жазо қўлланиши мумкинлигидан ва улар орқали Ўзбекистон ва Қирғизистон йўлларида фаол бўлган Хитойдан келаётган контрабанда оқимини қўллаб-қувватлашдан қўрқишмоқда. Турли жиноий гуруҳларининг ўртасида воситачилик қиладиган унинг жияни Мухиддинов 2007 йилдан бери халқаро қидирувда бўлиб, Истанбул ва Дубайда икки марта ҳибсга олинган, бироқ яна изсиз йўқолган. У “Ака-ука гуруҳи раҳбари” унвонини олган, бу “Евросиё жиноят синдикати”нинг бир бўлинмаси бўлиб, уни Раҳимов бошқаради.
Ўзбекистоннинг яна бир таниқли жиноятчиси «Бахти Ташкентский” номи билан танилган Бахтиёр Қудратуллаев эса барча бошқа айбланувчилар учун жазоларни “юмшатиш”ни сўраган. Унинг даъво қилишича улар “ўз халқига фақат яхшилик қилишга ҳаракат қилаётган” бўлиб, ҳукумат ва суд тизими адолат қилиши керак.