Қаҳрамон Қуронбоев ҳам ишдан кетадими?
Марказий сайлов комиссиясини 3 кун ўйлантирган савол.
Ўзбекистон Республикаси Маҳаллалар уюшмаси раиси Қаҳрамон Қуронбоевнинг «Миллий тикланиш» партиясидан депутатликка номзоди қўйилди. У депутатликка сайланса, уюшма раислигидан кетиши мумкинми ёки маошсиз фаолиятини давом эттираверадими?
Мазкур саволга аниқлик киритиш мақсадида Uzdiplomat.uz мухбири Марказий сайлов комиссиясининг матбуот хизматига мурожаат қилди.
3 кундан сўнг МСК матбуот котиблиги:|
«…эгаллаб турган лавозими депутатликка тўғри келмаса, Қонунчилик палатаси депутати мақомига тўғри келмайдиган вазифаларни ўз зиммасидан соқит қилади», деган мазмунда жавоб берди. Қонунга кўра, Қонунчилик палатаси депутатлари ўз ваколатлари даврида илмий, ижодий ва педагогик фаолиятдан ташқари ҳақ тўланадиган бошқа турдаги фаолият билан шуғулланишлари мумкин эмас. Аммо, биз биламизки ҳозирда газета раҳбарлигида бош муҳаррир Иқбол Мирзо “Жадид” нашри ҳамда Инсон ҳуқуқлари маркази раҳбарлигида Акмал Саидов ҳам раис бўлиб ишлаб келаётганларни кўрмоқдамиз. Шу сабабли биз қонунчилик талаблари очиқ бўлса-да, Марказий сайлов комиссиясидан саволга аниқлик киритилишини талаб қилган эдик. Афсуски, МСК жавобидан кейин ҳам Қуронбоев депутат бўлиб сайланса, уюшмада қолиш қолмаслигига аниқлик киритилмади.
Uzdiplomat’нинг айнан уюшма раҳбари ҳам маош олмасдан фаолиятини давом эттирадими ёки депутат бўлиб раисликдан бўшайдими, деган саволларига МСК аниқлик киритмади.
Комиссия таҳририятдан хат билан мурожаат қилишни сўради. Марказий сайлов комиссияси сайлов вақтида тезкор ва аниқ ишлаш талаб этилади. Бироқ, тезкор ахборот асрида МСК хат билан мурожаат қилишни сўрамоқда.
МСКнинг жавоби эса тўлиқ мазмуни қуйидагича:
Қонунчилик палатасига сайлов натижаларини аниқлаш ва депутатлик ўринларини тақсимлаш тартиби Сайлов кодексининг 961-моддасига мувофиқ қуйидагича амалга оширилади: Қонунчилик палатаси депутати этиб сайланган шахслар бу ҳақда хабарни олгандан сўнг беш кун ичида Марказий сайлов комиссиясига Қонунчилик палатаси депутатининг мақомига тўғри келмайдиган вазифаларни ўз зиммасидан соқит қилганлиги тўғрисида ёзма шаклда маълум қилади. Партия рўйхати бўйича сайланиб, мандатга эга бўлган депутат мақомига тўғри келмайдиган вазифаларни ўз зиммасидан соқит қилмаган ёки мандатдан ихтиёрий равишда воз кечган тақдирда, Марказий сайлов комиссияси тегишли партия рўйхатидаги тартиб рақам бўйича кейинги номзодга бир кунлик муддатда хабарнома юборади. Ушбу қонунчилик талабига кўра, номзод депутат этиб сайланган тақдирда депутат мақомига тўғри келмайдиган вазифаларни ўз зиммасидан соқит қилиш ёки мандатдан ихтиёрий равишда воз кечиш ҳуқуқига эга.
Эслатма, бугунги кунда Олий Мажлис Қонунчилик палатасида Иқбол Мирзо “Жадид” газетаси бош муҳаррири ва депутат. Акмал Саидов Инсон ҳуқуқлари миллий маркази раиси ва Олий Мажлис Қонунчилик палатаси спикери ўринбосари, Одилжон Иминов сенатор ва “Ўзбекистон” санаторияси раҳбарилигида ишлаб келмоқда.