Shavkat Mirziyoev viloyat hokimi bo‘lgan vaqtda u bilan bog‘liq qanday hodisa sodir bo‘lgandi?
O‘zbekiston Respublikasi Prezidentining bugun e’lon qilingan Farmoni bilan ilk bora O‘zbekiston Respublikasida xizmat ko‘rsatgan tadbirkor» faxriy unvonini berildi.
Bu unvonga Zhizzax viloyati Sharof Rashidov tumanidagi «Gulchi opa tomorqa xizmati» klasteri rahbari Norieva Sharofat Ergashevna loyiq topildi.
U haqida 2023 yilda kun.uz nashrida «Kambag‘al qizning taqdirini o‘zgartirgan uchrashuv: to‘qqiz bolani boqib olgan tadbirkor hikoyasi»nomli material e’lon qilingandi. Unda shunday voqeani eslab o‘tilgan:
1996 yil, Norieva hali turmush ham qurmagan. O‘sha vaqtlarda oilaviy etishtirgan gul ko‘chatlarini bozorga olib chiqib sotgan. Bir kuni hamma o‘ziga tegishli mahsulotni olib bozordagi zhoyini tashlab qochadi. Bozorga viloyat rahbari kelayotgan ekan. YOsh Sharofat gullarini tashlab yoki olib qochishga ulgurmaydi. Aynan o‘sha paytda Zhizzax viloyati hokimi bo‘lgan Shavkat Mirziyoev uning qarshisiga kelib to‘xtaydi.
Viloyat hokimi yoshgina Sharofat bilan suhbatlashadi. Qizning oilaviy bo‘lib gulchilik bilan shug‘ullanishi, shu orqali ro‘zg‘or tebratishidan xabar topadi. “Qizim, sen gullaringni ko‘paytir, vaqti kelib bunday zhoylarda gul sotib o‘tirmaysan. Gullaringni o‘zimiz olamiz”, deydi Mirziyoev.
Gulchi qiz bo‘lgan voqeani ota-onasiga aytib beradi. Shu tariqa ular o‘zlari yashab turgan uylardan birining tom qismini ochib, issiqxona tashkil qilishadi. Bir necha oydan so‘ng gullar sotishga tayyor bo‘ladi. Endi gullarimni hokim sotib oladi, degan xayol bilan hokimiyatga boradi. Avvaliga uni hokimiyatga kiritishmaydi. YOsh qiz dadil turib “Menga gullaringni ko‘paytir deb hokim aytgan. Sotib olamiz deganlari uchun bu gullarni etishtirdik”, deydi. Bu shiddat hokimiyatdagilarga yaxshi ta’sir qiladi. O‘zini hokim o‘rinbosariman deb tanishtirgan odam gullarni sotib oladi.
“Biz shu tariqa kambag‘allikdan chiqdik. O‘sha mablag‘ga kattagina issiqxona qildik. Yildan-yilga faoliyatimiz kengayib bordi”, deydi Norieva.
Sharofat Norievaning oilasi hali hech kim issiqxona qurish, tomorqaga zamonaviy yondashuv haqida o‘ylamagan yillardayoq bu ishga qo‘l uradi. U gulchilikdan tashqari, parrandachilik, chorvachilik, meva-sabzavot etishtirish, umuman qishloq xo‘zhaligining deyarli barcha turlari bilan shug‘ullandi. U endi kambag‘al emas, aksincha, har yili yuzlab kam ta’minlangan oilalarga ish beryapti, deyilgan maqolada.
Ma’lumot uchun, 22 avgust kuni Prezident Shavkat Mirziyoev tadbirkorlar bilan ochiq muloqotda “O‘zbekistonda xizmat ko‘rsatgan tadbirkor” faxriy unvonini ta’sis etishni taklif qilgan edi.
28 avgust kuni esa Oliy Mazhlis Senatining ellik oltinchi yalpi mazhlisida “O‘zbekiston Respublikasining “O‘zbekiston Respublikasida xizmat ko‘rsatgan tadbirkor” faxriy unvonini ta’sis etish to‘g‘risida”gi qonunni ko‘rib chiqdi va qabul qildi.