Qirg‘iz Respublikasi Prezidenti Sadir Zhaparov O‘zbekiston Respublikasi Prezidenti Shavkat Mirziyoevning taklifiga binoan 18-19 iyulь kunlari davlat tashrifi bilan O‘zbekistonga keladi.
Bu haqda Qirg‘iz Respublikasi Prezidenti Administrasiyasining tashqi siyosat bo‘limi boshlig‘i Muratbek Azimbakiev ma’lum qildi.
Ma’lum bo‘lishicha, davlat rahbarlari o‘zaro manfaatli barcha yo‘nalishlar bo‘yicha ikki tomonlama hamkorlikning dolzarb masalalari, shuningdek, Qirg‘iziston-O‘zbekiston munosabatlarini rivozhlantirishning istiqbollarini muhokama qilishi rezhalashtirilgan.
Tashrif davomida Sadir Zhaparov O‘zbekiston Respublikasidagi Qirg‘iziston Respublika Madaniyat kunlarining rasmiy ochilish marosimida ham ishtirok etishi ma’lum qilingan.
Shuningdek, Qirg‘iziston va O‘zbekiston davlat rahbarlarining ishtirokida amalga oshirilayotgan ikki tomonlama loyihalarni onlayn ishga tushirish hamda ochilish marosimi bo‘lib o‘tishi belgilangan.
“Bundan tashqari, tashrif doirasida Qirg‘iziston-O‘zbekiston Biznes-forumi va Qirg‘iziston Respublikasi va O‘zbekiston Respublikasi oliy o‘quv yurtlari rektorlari forumi kabi qator tadbirlar rezhalashtirilgan,» – deyiladi xabarda.
Eslatib o‘tamiz, avvalroq Qirg‘iziston Prezidenti davlat tashrifi bilan O‘zbekistonga kelishi haqida ma’lum qilgandik.