Россия уларга қўшилмоқчи.
Марказий Осиёнинг уч давлати – Қозоғистон, Қирғизистон ва Ўзбекистон “Қамбарота-1 ГЭС”ини қуриш бўйича шартнома имзолади. Ҳужжат Вена шаҳрида бўлиб ўтган халқаро энергетика инвестиция форумида ўзаро тасдиқланган. Бу ҳақда Спутник Қозоғистон хабар берди.
Қайд этилишича, ГЕС қурилиши тахминан 4,5 миллиард долларга тушади.
Норин дарёсидаги 1860 МВт қувватга эга ушбу ГЭС Марказий Осиёдаги энг йирикларидан бири бўлиб, республикани электр энергиясини сотиб ўлувчи давлатдан уни экспорт қилувчи давлатга айлантириши кутилмоқда.
Қирғизистон ҳукумати матбуот хизматининг ёзишича, шу куннинг ўзида “Қамбарота-1 ГЭС” қурилиши бўйича мувофиқлаштирувчи қўмита ҳам ташкил этилган. Унинг аъзолари орасида эса Жаҳон банки ва Осиё тараққиёт банки бор.
Қўмитани ташкил этиш тўғрисидаги қарор ҳам Вена халқаро инвестиция форумида қабул қилинган. Тадбир давомида Ўзбекистон ҳукумати Қирғизистон ва Қозоғистон билан “Қамбарота-1 ГЭС” лойиҳаси бўйича ҳамкорлик тўғрисида битим имзолаган.
“2023 йилнинг кузида Бишкек ГЭС қурилишига тайёргарлик кўриш учун тахминан 7 миллион доллар юбориши маълум бўлди. Ташаббусга Россия ҳукумати ва ОТБ қизиқиш билдирган»,
дейилган хабарда.
Мустақил Давлатлар Ҳамдўстлиги электр энергетика Кенгаши ижроия қўмитаси раиси Тарас Купчиковнинг фикрича, “Қамбарота-1 ГЭС” ва АЭС минтақадаги энергия танқислигини бартараф этади.
“Маълумотларига кўра, Марказий Осиё мамлакатлари анъанавий ва яшил энергияга тахминан 20 миллиард доллар сармоя киритиши керак”,
дея ёзилган ҳукумат порталида.
Эслатиб ўтамиз, Каримов қарши бўлган “Қамбарота ГЭС-1” қурилаётгани ҳақида умумий-таҳлилий видео эълон қилган эди.