Озарбайжон, Қозоғистон ва Ўзбекистон энергия тизимларини бирлаштириш бўйича келишувга эришди. Бу ҳақда Озарбайжон парламентининг мустақил аъзоси, Европа Иттифоқи – Озарбайжон делегацияси ва ‘EuroNest’ Парламент Ассамблеяси аъзоси Вугар Байрамов маълум қилди.
Кавказ ва Марказий Осиёнинг қайта тикланадиган энергияси Европа Иттифоқига экспорт қилинади. Грузия, Озарбайжон ва Европа Иттифоқи ўртасида яшил энергия бўйича ҳамкорлик мавжудлиги ва тинчлик шартномасидан сўнг Арманистоннинг ҳам жараёнга қўшилиши истисно этилмаганини ҳисобга олсак, тез орада Европа Иттифоқи ва минтақа ўртасида яшил кўприк шаклланади
дея ёзган у.
Эслатиб ўтамиз, аввалроқ Ўзбекистон Каспий денгизининг “Шоҳденгиз” газ лойиҳасига қўшилиши, бунда“Ўзбекнефтгаз” АЖ Каспий денгизининг Озарбайжон секторидаги “Шоҳденгиз” газ конини ўзлаштириш лойиҳасининг иштирокчиси бўлишни режалаштираётгани ҳақида хабар берган эдик.