Бугун, 24 май куни Ўзбеистоннинг бир қатор вазирлари Эрон Ислом Республикасининг Президенти Иброҳим Раисий вафоти юзасидан, ҳамдардлик билдириш учун Эроннинг Тошкентдаги элчихонасига борди.
Ўзбекистон Бош вазири ўринбосари Жамшид Хўжаев, Ўзбекистон Республикаси Транспорт вазири Илҳом Маҳкамов, Камбағалликни қисқартириш ва бандлик вазири Беҳзод Мусаев, Ўзбекистон Спорт вазири Адҳам Икромов, Ўзбекистон Маданият вазири Озодбек Назарбеков, Инвестициялар, саноат ва савдо вазири Лазиз Қудратов, Ўзбекистон Рақамли технологиялар вазири Шерзод Шерматов, Ўзбекистон Адлия вазири Акбар Тошқулов, Олий таьлим, фан ва инновациялар вазири Қўнғиротбой Шарипов, Ўзбекистон Энергетика вазири Жўрабек Мирзамаҳмудов, Ўзбекистон Соғлиқни сақлаш вазири Асилбек Худоёровлар Иброҳим Раисий ва унинг ҳамроҳларининг шаҳид бўлгани муносабати билан таъзия билдирган ва хотира дафтарига ўз ҳамдардлигини баён этган.
Эслатиб ўтамиз, аввалроқ Президент Шавкат Мирзиёев ҳам хотира дафтарига ҳамдардлигини ёзган эди.