Европарламентнинг халқаро алоқалар қўмитаси Европа Иттифоқи давлатларини Украинадаги уруш фонида Россиянинг заифлашган таъсиридан фойдаланиб, Марказий Осиё давлатлари билан муносабатларни фаолроқ ривожлантиришга чақирди. Бу ҳақда Европа Парламенти томонидан сешанба куни қабул қилинган резолюцияга таяниб, Europen Interest нашри ёзмоқда.
“Украинадаги уруш бутун дунёда тартибсизликларга олиб келди: озиқ-овқат ва энергия нархлари кўтарилиб, жуда кўп миқдордаги товарларни этказиб бериш занжирлари бузилди.
Глобал жаҳон тармоғи парчалана бошлади ва бу айниқса Марказий ва Жануби-Шарқий Осиё ва Яқин Шарқ мамлакатларига таъсир кўрсатмоқда. Бу ишлаб чиқариш қувватларининг катта қисми тўпланган ер шарининг деярли учдан икки қисмидир. Шунингдек, дунё аҳолисининг ярмидан кўпи ҳам айнан шу ҳудудларда яшайди. Уларнинг асосий қисми эса қашшоқликда кун кечиради”,
дея ўз таҳлилларини ёзган Европарламент ҳисоботида.
Қабул қилинган резолюцияда Марказий Осиё Ғарб ва Шарқ ўртасидаги муносабатларда муҳим рол ўйнаши, шунингдек, Афғонистонда барқарорликни сақлаш, масалан, гуманитар ёрдам кўрсатиш, терроризм, экстремизм ва наркотик моддалар савдосига қарши курашда ёрдам бериши таъкидланган.
“Европа Иттифоқи Марказий Осиё билан муносабатларни мустаҳкамлаш вақти келди. Минтақа геосиёсий жиҳатдан муҳим, Марказий Осиё давлатлари Европа билан ҳамкорлик қилишдан манфаатдор ва бизнинг ҳамкорлигимиз ҳар икки томон учун ҳам фойда келтиради. Муносабатларимиз асоси демократия, қонун устуворлиги ва инсон ҳуқуқларига ҳурмат бўлиши керак”,
деб маъруза қилган Европа Парламенти аъзоси Карстен Луcке.
Шунингдек, Европарламент депутатлари ва Европа Иттифоқи минтақа давлатлари билан иқтисодий муносабатларни кучайтириш ва сиёсий алоқаларни фаоллаштириш МОга Россия ва Беларусь томонидан санкцияларни четлаб ўтишни минималлаштиришда муҳим рол ўйнайди.
“Марказий Осиёда узоқ муддатли минтақавий барқарорликка эришиш салоҳиятига келсак, Европарламент депутатлари низоларни халқаро ҳуқуқ ва яхши қўшничилик муносабатлари, шунингдек, инсон ҳуқуқларини ҳурмат қилиш асосида ҳал этиш Европа Иттифоқининг минтақа билан муносабатлари учун асосий аҳамиятга эга эканини таъкидламоқда.
Қонун устуворлигига риоя қилган ҳолда, асосий демократик камчиликларни бартараф этиш керак”,
дейилган ҳисоботда.
Европарламент депутатлари Марказий Осиёда шунингдек, оммавий ахборот воситаларига эгалик қилиш ва молиялаштиришда ошкораликни хоҳлайдилар ва кенг тарқалган коррупция ва клептократия ҳукуматга ишончни йўқотиши, тенгсизликни кучайтириши, фуқароларни давлат хизматларидан маҳрум этиши ва иқтисодий ўсишнинг олдини олишдан хавотирда.
“Европа давлатлари минтақа давлатларини шаффоф сайловлар каби демократик тамойилларни амалга оширишга ундаши, коррупцияга қарши фаол кураш олиб бориши керак”,
деб ёзилган ҳисоботда.
Бундан ташқари, Европа Иттифоқи ва Марказий Осиё давлатлари ўртасида виза режимини юмшатиш масаласини муҳокама қилиш таклиф қилинган.
Ҳисобот 51 киши ёқлаб, 3 нафар қарши ва 1 нафар бетараф овоз билан қабул қилинган.
Қайд этилишича, ҳисобот энди кейинги ялпи мажлислардан бирида бутун Европа парламентида овозга қўйилади