Ўзбекитоннинг Европа Иттифоқига ўз маҳсулотларини экспорт қилиши осонлашмоқда. Бу бўйича Ўзбекистон делегацияси Литванинг “Бега” компанияси раҳбари билан музокаралар олиб борган.
Учрашувда Ўзбекистондан Литва ва Латвияга экспорт қилинадиган маҳсулотларни сақлаш учун ҳаб ажратиш бўйича Ўзбекистон Савдо-саноат палатаси Литванинг “Бега” логистика компанияси билан келишиб олган.
Шунингдек, мазкур омбор орқали мамлакат ўз маҳсулотларини Европа бозорига экспорт қилишин енгиллаштириш назарда тутилган.
“Ўзбекистоннинг Европа мамлакатларига амалга оширилаётган экспорт ҳажми тобора ошиб бораётганини инобатга олиб, Литва компаниялари ўзбек тадбиркорлари билан алоқаларни ривожлантиришга катта қизиқиш билдирмоқда. Шунингдек, Латвия ва Литва давлатлари орқали Европа Иттифоқи мамлакатларига ўтаётган ўзбек маҳсулотларининг экспорт ҳажми ҳам ошиб боряпти”,
деган «БЕГА» компанияси раҳбари Лаймонас Римкус.
Музокаралар давомида компания омборлари ва ташкил этилаётган Ўзбекистон савдо уйининг биносини ижарага олишнинг тартиблари, қонуний жиҳатлари ҳам муҳокама қилиниб, 24-27 май кунлари Клайпеда шаҳрида Ўзбекистон савдо уйини расмий очилиш маросимини ўтказиш бўйича келишувга эришилган.
Маълумот учун, «БЕГА» компанияси 1992 йили ташкил этилган. Компания юк ташиш, юклаш ва тушириш, вақтинча сақлаш хизматларини кўрсатадиган Болтиқбўйидаги йирик замонавий порт корхоналардан бири ҳисобланади.