“Афсуски бугунги кунда ўз мамлакатларини ўзгартириш, ислоҳ қилиш ва ривожлантиришга қодир бўлган раҳбарлар дунёда кўп қолмади” – Туркия вице-президенти Жавдат Йилмаз.
Туркия вице-президенти Жавдат Йилмаз Ўзбекистонда. У 1 май куни учинчи Тошкент халқаро инвестиция форумида иштирок этиш учун мамлакатимизга келган.
Ўз ташрифини Ўзбекистон Президенти билан учрашишдан бошлаган Жавдат Йилмаз Шавкат Мирзиёев ва Ражаб Тойиб Эрдўған ўртасида бошқа мамлакат раҳбарларига ўхшамайдиган дўстлик алоқалари борлигини алоҳида таъкидлади.
Афсуски бугунги кунда ўз мамлакатларини ўзгартириш, ислоҳ қилиш ва ривожлантиришга қодир бўлган раҳбарлар дунёда кўп қолмади.
Аммо Туркия ва Ўзбекистон, Жаноб Ражаб Тойиб Эрдоғон ва Шавкат Мирзиёев ўз мамлакатларини ўзгартиришга бошчилик қилаётган икки шахсдир. Улар орасида катта дўстлик, биродарлик бор. Биз учун бу жуда қадрли. Хусусан иқтисодий муносабатларимизни муҳокама қилиш имконига эга бўлдик.
Июн ойида Мирзиёев юқори даражадаги стратегик ҳамкорлик кенгаши учун Туркияга ташриф буюради. Кенгроқ айтганда, минтақавий муносабатларимиз, ҳукуматлараро ва етакчилар ўртасида, албатта, янада кенгроқ муҳокама қилинади. Биз буни яқиндан кузатиб борамиз”,
деди Туркия вице-президенти.
Қолаверса, у Ўзбекистон ва Туркия ўртасидаги иқтисодий муносабатларга тўхталар экан, ўзаро савдо муносабатлари йилдан-йилга ошаётганини алоҳида қайд этди.
Бугунги дунё қийин бир вазиятдан ўтаяпти. Бутун дунё иқтисодий муаммолар ичида яшаяпти. Айниқса Пандемия бутун дунёга таъсир қилди. Дунёнинг савдосига катта таъсир қилди. Бу каби муаммолар бутун дунёда мавжуд. Аммо шунга қарамай Ўзбекистон ва Туркия яхши йўлда кетяпти. Ўтган йили дунё мамлакатлари иқтисоди 3 % ўсаркан Ўзбекистонники 6 %га, Туркияники эса 4,5 % фоизга ўсди. Ўзбекистон ва Туркия иқтисодиётининг ўсиши жуда баланд ва тез кетаяпти. Ўзаро савдо алоқаларимиз ва туризм салоҳияти кўтариляпти. Демакки, мақсадларимизга яқинлашдик. Ин Ша Оллоҳ белгиланган маррадан-да ошиб, жудаям баландга чиқамиз.”,
деди у.
Вице-президентни қисқа савол жавобга тутган журналистлар Россиядаги терактдан сўнг Марказий Осиёлик муҳожирларнинг Туркияга киришга турли тақиқлар қўйилаётгани ва бу Ўзбекистонликларга ҳам турли қийинчиликлар юзага келтираётгани ҳақида гапириб, кучайтирилган хавфсизлик чоралари қачон енгиллашишига қизиқди.
Ҳа, бу ҳақидаги барча гапларни бугун Ўзбекистоннинг тегишли масъуллари, дўстларимиз билан гаплашиб олдик. Ҳар бир мамлакат ўз хавфсизлигига эътибор қаратиши керак. Аммо бу тадбирларни қиларканмиз, ватандошлармиз, қардошларимиз муаммоларга дуч келмаслиги лозим. Бу мавзуда тегишли масъуллар бир-бирларига жуда яқин суҳбатлашиб, бу мазвуларни ўзаро гаплашиб, саволлар ва шикоятларга жуда қисқа вақтда жавоб топади,
дея ишонч билдирди жаноб Йилмаз.
Бундан ташқари, у сўнгги пайтларда халқаро майдонда содир бўлаётган воқеалар хусусида ҳам ўз фикрини билдирар экан, Фаластиндаги уруш ва ундаги қурбонлар муаммосига тезроқ ечим топиш кераклигини эслатди.
Фаластинда табиийки инсониятнинг бир фожеаси бўлиб ўтмоқда. Ҳаммамизнинг юрагимизни ёқадиган саҳналарни кўраяпмиз. Иложи борича у ердаги яраларимиз тезроқ битишни хоҳлаймиз. Ушбу ўт очишни тўхтатиш учун аввало, у ерда яшаётган маъсум тинч аҳолига гуманитар ёрдамлари берилади. Инсонийлик ёрдамларидан кейин эса доимий тинчликка эришиш учун сулҳ тузилиши, хуллас, ечим учун нима керак бўлса бари қилиниши керак.
Туркия Фаластинга гуманитар ёрдам бериш бўйича биринчиларданмиз. биринчи ёки иккинчи ўринда. Қўлимиздан келган турли хил сай-ҳаракатларни қилаябмиз. Сулҳ тузиш учун турли хил дипломатик ҳаракатларни кўрсатяпмиз. Тинчлıк учун бирор сиёсий ечим топилса, кафолатли мамлакат сифатида ҳар турли ҳаракатларни қилишга тайёрмıз.
Биласизки, бугун халқаро адолат девонида ҳам бу гаплар ҳуқуқийлашıлаяпти. Исроил бошқаруви судланаяпти. Биз Туркия ҳам бу ердаги даъволарга қўшиламиз”,
деди Ўзбекистонга ташриф буюрган Туркия вице-презденти Жавдат Йилмаз.