Россиялик миллиардерларнинг умумий бойлиги йил бошидан буён 18,3 миллиард долларга ошди. Асли ўзбекистонлик олигарх Алишер Усмоновнинг бойлиги эса 2,8 миллиард долларга камайган.
Bloomberg Billionaires Index (BBI) да келтирилича, энг кўп даромадга «Еврохим» ва СУЭК (Сибир кўмир энергетика компанияси) таъсисчиларидан бўлган Андрей Мельниченко эришган, у 5,29 миллиард долларга бойиди. Унинг ҳозирги капитали 24,1 миллиард долларни ташкил қилади. Унинг компаниялари АҚШ санкциялари рўйхатига киритилганди.
Энг катта зарарни USM Holdings асосчиси Алишер Усмонов кўрди, унинг бойлиги 2,8 миллиард долларга камайган ва ҳозирда 18,3 миллиард долларни ташкил этади.
Bloomberg рейтинги бўйича энг бой россияликлар сафига “Норникель” компаниясининг мулкдори Владимир Потанин ҳам АҚШ санкиялари рўйхатига тушган бўлсада, 768 миллион доллар фойда олган, унинг ҳозирги бойлиги 31,8 миллиард долларни ташкил этади.
Шунингдек Россиянинг энг бойлари қаторидан НОВАТЕК мулкдори Леонид Михелсон (-747 млн доллар, бойлиги 26,7 млрд доллар), ЛУКОЙЛ мулкдори Вагит Алекперов (+1,79 млрд доллар, бойлиги 26,4 млрд доллар)лар ҳам ўрин олди.
Эслатиб ўтамиз, 2023 йилда россиялик миллиардерлар ўз бойликларини 50 миллиард долларга кўпайтиришганди. Gardian нашри маълумотига кўра ўтган йили миллиардер Алишер Усмоновнинг ҳам бойлиги ошган ва даромади $1,88 млрдга ортиб, умумий бойлиги — $20,3 млрдга етган эди.
Бу йил эса унга омадсиз кела бошлади ва Bloomberg ҳисоб китобларига кўра феврал ойида Усмоновнинг бойлиги 124 миллион долларга камая бошлаганди.
Маълумот учун: Bloomberg ҳисоб китоблари тадбиркорлар эгалик қиладиган компаниялар акциялари нархи ва улардаги ҳиссаларидан келиб чиқиб амалга оширилган.
Ҳозирда унинг рўйхатини биринчи ўрнида LVMH гуруҳи раҳбари Бернард Арно, иккинчи ўринда Жефф Безос ва учинчи ўринда Илон Маск турибди.