А.Саидов ўз рекордини ўзи янгилаш арафасида турибди. У «Миллий тикланиш» демократик партиясидан депутатликка номзодини қўйган.
У 27 йилдан буён узликсиз депутат мақомини эгаллаб келмоқда. Буни ҳали мамлакатимизда ҳеч бир депутат такрорлай олгани йўқ. Айни пайтда Ўзбекистонда 5 маротаба миллий парламент депутатлигига сайланган ягона шахс бўлиб турибди. 1997 йилдан шу бугунги кунгача Олий Мажлис депутатлигига сайланиб келмоқда.
А.Саидов 1958 йил 11 октябрда Тошкент вилояти, Зангиота туманида туғилган. Оилали, икки нафар фарзанди бор. Рафиқаси Л.Саидова юридик фанлари доктори.
А.Х.Саидовнинг парламентаризм соҳасида қарийб 30 йиллик амалий тажрибаси бор.
1999 йилдан бери парламентнинг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси раиси ҳисобланади. Айни пайтда Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг маблағларини бошқариш бўйича парламент комиссиясининг раиси ҳамдир.
2000 йилдан Олий Мажлис Қонунчилик палатаси депутати, Демократик институтлар, нодавлат ташкилотлар ва фуқароларни ўзини-ўзи бошқариш органлари бўйича қўмитаси раиси лавозимида фаолият юритган.
2020 йилдан Ўзбекистон Республикаси Олий Мажлиси Қонунчилик палатаси спикерининг биринчи ўринбосари ҳисобланади. Акмал Саидов Фавқулодда ва мухтор элчи дипломатик мартабасига эга.
У 2007 ва 2015 йилги президентлик сайловларида ҳам қатнашган.
Акмал Саидов жорий йил бўлиб ўтадиган Олий Мажлис Қонунчилик палатаси депутатлигига «Миллий тикланиш» демократик партиясидан депутат бўлиш учун ўз номзодини қўйди. Катта эҳтимол билан у яна ўз рекордини янгилаш арафасида турибди.