Uzdiplomat.uz мухбири «Миллий тикланиш» партияси вакилининг тарқалган видеоси юзасидан изоҳ олди.
Миллий тикланиш партияси тарқалган видеоларни монтаж ва сайловолди ўйинлари, деб билмоқда.
Партия Отабек Жиянбаев иши бўйича йиғилиш ўтказмаган. Партия вакиллари ва раиси Олий Мажлисда бюджет муҳокамаси билан банд.
Интернетда Миллий тикланиш демократик партиясининг тарқалган видеоси бўйича партия матбуот хизмати Uzdiplomat.uzʼга муносабат бераркан бу аудиолар тарқалиши кимгадир керак бўлганлигини айтди. Видеода Жиянбаев партия раиси депутатлар тошкентлик бўлиши кераклигини таъкидлаган. Бу бўйича Uzdiplomat.uz Миллий тикланиш партияси матбуот хизмати вакили Умида Раҳмонова билан боғланди.
“Буни биз суриштириб кўрдик ва аниқладик 3 йил олдинги гап экан. Монтаж бу. Бир гапи бирор жойдан тўлиқ олинмаган. Кимгадир керак бўлган.” – дейди Раҳмонова.
3 йил аввалги гап бўлишига қарамасдан, бу аудио эгасига чора кўриладими, деган саволимизга Умида Рахмонова партия раҳбари бандлигини билдирди.
“Бу раисга боғлиқ масала бўлгани учун унга хабар бердик. Раисимиз куни билан Олий Мажлисда. Мажлисда бюджет масаласи кўриляпти. У қайтгач ушбу воқеа кўриб чиқилади”,-деб жавоб берди у.
Аудиода Отабек Жиянбаев бир нечта туман кенгаши раисларидан мажбурий ариза ёздириб олишни буюрган.
“Тошкент шаҳарни мафкураси бўлиши керак. Тошкентда анча йил ишлаган бўлсин. Тошкентлик бўлиб туриб тошкентликларни топиша олмабди дейишади. Уларни чақиртириб бир ойда қилган ишини битталаб сўрагин. Қонуний ёпиштиргин. Тушунтириш хати олиб билдирги беринглар. Буларни депутат деб бошини силайман бошимга чиқиб кетди”,-деган у.
Шунингдек Отабек Жиянбаев номзодларни танлашда «мафкура Тошкентники бўлсин, (бошқа) шевада гапирганларни яқинлаштирма, Бухоролик бўлмасин, Бухороликлар исқирт бўлади» деб ҳақоратли кўрсатма берган.