АҚШнинг Ўзбекистондаги элчиси Жонатан Ҳеникнинг гапига Афғонистон Мудофаа вазирлиги кескин жавоблар қайтарди. «Толибон» Ўзбекистон ҳукуматидан бу каби ҳар қандай келишувдан воз кечишга чақирмоқда.
АҚШнинг Ўзбекистондаги элчиси Жонатан Ҳеник Афғонлар томонидан АҚШдан ўғирланган ҳарбий самолётлар ва вертолётлар Ўзбекистонда қолиши бўйича АҚШ – Ўзбекистон томонлари битим имзолаганини айтган эди.
Афғонистон Мудофаа вазирлиги эса Ҳеникнинг бу гапига жавобан АҚШ Афғонистоннинг Ўзбекистондаги вертолёт- самолётлари ва Афғон халқининг мол-мулкини хайрия қилиш ёки мусодара қилиш ҳуқуқига эга эмаслигини айтган.
«Афғонистон Ислом Амирлиги Миллий Мудофаа вазирлигининг Американинг Ўзбекистондаги элчисининг сўнгги баёнотлари билан боғлиқ чиқиши, Афғонистоннинг Ўзбекистондаги вертолётлари ва самолётлари тақдирига оид ҳар қандай келишувни қабул қилиб бўлмайди…» , — деган Афғонистон Мудофаа вазирлиги «Х» тармоғида.
Шунингдек, баёнотда Ўзбекистондаги афғон вертолётлари ва самолётлари тақдирига оид ҳар қандай келишув қабул қилиниши мумкин эмаслиги, Тошкент яхши қўшничиликни ҳисобга олиб, Афғонистон Ҳарбий-ҳаво кучлари самолётларини топширишда ҳамкорлик қилиш тўғрисида оқилона қарор қабул қилиниши кераклиги айтилган.
«Толибон» Ўзбекистон ҳукуматидан бу борадаги ҳар қандай келишувдан воз кечишни сўраган.