AQShning O‘zbekistondagi elchisi Zhonatan Henikning gapiga Afg‘oniston Mudofaa vazirligi keskin zhavoblar qaytardi. «Tolibon» O‘zbekiston hukumatidan bu kabi har qanday kelishuvdan voz kechishga chaqirmoqda.
AQShning O‘zbekistondagi elchisi Zhonatan Henik Afg‘onlar tomonidan AQShdan o‘g‘irlangan harbiy samolyotlar va vertolyotlar O‘zbekistonda qolishi bo‘yicha AQSh – O‘zbekiston tomonlari bitim imzolaganini aytgan edi.
Afg‘oniston Mudofaa vazirligi esa Henikning bu gapiga zhavoban AQSh Afg‘onistonning O‘zbekistondagi vertolyot- samolyotlari va Afg‘on xalqining mol-mulkini xayriya qilish yoki musodara qilish huquqiga ega emasligini aytgan.
«Afg‘oniston Islom Amirligi Milliy Mudofaa vazirligining Amerikaning O‘zbekistondagi elchisining so‘nggi bayonotlari bilan bog‘liq chiqishi, Afg‘onistonning O‘zbekistondagi vertolyotlari va samolyotlari taqdiriga oid har qanday kelishuvni qabul qilib bo‘lmaydi…» , — degan Afg‘oniston Mudofaa vazirligi «X» tarmog‘ida.
Shuningdek, bayonotda O‘zbekistondagi afg‘on vertolyotlari va samolyotlari taqdiriga oid har qanday kelishuv qabul qilinishi mumkin emasligi, Toshkent yaxshi qo‘shnichilikni hisobga olib, Afg‘oniston Harbiy-havo kuchlari samolyotlarini topshirishda hamkorlik qilish to‘g‘risida oqilona qaror qabul qilinishi kerakligi aytilgan.
«Tolibon» O‘zbekiston hukumatidan bu boradagi har qanday kelishuvdan voz kechishni so‘ragan.