Qozog‘iston Bosh vaziri o‘rinbosari Serik Zhumangarning «Bloomberg» agentligiga bergan intervьyusida Ukrainaga qarshi urushda G‘arb sanksiyalariga uchragan Rossiyaning Markaziy Osiyo davlatlariga keltirgan zarari haqida to‘xtalib o‘tgan.
Uning so‘zlariga ko‘ra, Rossiyaga qarshi sanksiyalar Qozog‘istonga katta zarar etkazgan. Birgina «Eurasian Resources Group» kon kompaniyasi 40% zarar ko‘rgan. Bu tashkilot Rossiyaga rudaning ayrim turlarini etkazib berish bilan shug‘ullangan.
O‘zbekiston Rossiyaga qo‘yilgan G‘arb sanksiyalari sababli qanday zarar ko‘rgan?
Uzdiplomat muxbiri bu savol bilan Investisiyalar, sanoat va savdo vazirligi, Iqtisodiyot va moliya vazirligi hamda Savdo-sanoat palatasi bilan bog‘lanib ko‘rdi.
Savdo-sanoat palatasi matbuot kotibi bu savol bu tashkilotga berilishi kerak emasligini aytdi.
Iqtisodiyot va moliya vazirligi ham bu savolga ularga emas Investisiyalar, sanoat va savdo vazirligiga berilishi kerakligini ma’lum qilgan.
Investisiyalar, sanoat va savdo vazirligi bilan bog‘langanimizda esa ular yana Iqtisodiyot va moliya vazirligiga bog‘lanishni so‘radi va keyinroq, vazirlikka o‘z savollarini yozib xat zho‘natishi kerakligini aytdi.
Shu tariqa savollarimiz ochiq qoldi. O‘zbekiston iqtisodiga zhiddiy ta’sir qilganini esa iqtisodchilar aytib kelishmoqda.
Avvalroq, Yaponiya Rossiyaga qarshi sanksiyalarni chetlab o‘tayotgan Xitoy, Hindiston, BAA va O‘zbekistonga sanksiya paketlarini ko‘rib chiqayotgani xabar qilingandi.
Bundan tashqari, AQSh va Evropaning 13-sanksiya paketida O‘zbekistonning “Alfa Beta Creativ”, “GFK Logistics Aisa” va “Mivizion” MChZhlar Rossiyaga qo‘shilib AQSh va Evropa sanksiyalariga uchragan.
Eslatib o‘tamiz, 2023 yil dekabrda Evropa Ittifoqi 12-sanksiya paketiga asli o‘zbekistonlik, «Mikrotex» AK asoschisi va rahbari Andrey Xoxlunni kiritgan. 11-sanksiya paketida esa O‘zbekiston korxonalari Alfa Beta Creativ” va “GFK Logistics Aisa” kiritilgandi. AQSh ham ularga nisbatan eksport cheklovlarini zhoriy qilgandi. AQSh Savdo vazirligi ma’lumotlariga ko‘ra, ular Rossiya harbiy va mudofaa sanoati ehtiyozhlari uchun Amerika tovarlarini sotib olishda sanksiyalarni chetlab o‘tishga harakat qilgan.