Uzdiplomat.uz сайтида сотиб юборилгани айтилган стадион спорт мактаби балансида эканлиги аниқланди.
Жорий йилнинг 29 июнь куни Uzdiplomat.uz томонидан эълон қилинган «Маҳаллалардаги спорт майдонлари бузилиб кетаётганидан бехабар Спорт вазири диққатига!» сарлавҳаси остида мақолага Бухоро вилояти Шофиркон тумани ҳокимлиги расмий муносабат берди.
Ҳокимликнинг расмий муносабатига кўра, Шофиркон туманидаги стадион бўйича берилган маълумотни ҳақиқатга тўғри келмайди.
«Шофиркон туманидаги марказий ўйингоҳ 2023 йилда маҳаллий ва ҳомийлик маблағлари ҳисобидан реконструкция ишлари олиб борилиши натижасида муҳташам Спорт ўйингоҳи бунёд этилди»,
дейилади расмий муносабатда.
Ҳокимлик матбуот котибининг Uzdiplomat.uz‘га маълум қилишича ушбу стадионни таъмирлаш учун 2 млрд 600 млн сўм маҳаллий ва ҳомийлик маблағлари эвазига таъмирланган.
Маълум бўлишича ўйингоҳ Шофиркон туман Спорт мактаби балансига ўтказилган. Аммо расмий муносабатга илова сифатида берилган расмларга кўра спорт мактаби стадионнинг фақат югуриш йўлагидан фойдаланиш мумкинлиги сезилмоқда. Чунки унинг ўрта қисми шудгорланган.Мазкур ажабланарли ҳолатни ҳокимлик қуйидагича изоҳлади.
Ҳокимликнинг жавобига кўра, 2023 йилда таъмирдан чиққан стадионнинг майдон қисмига яшил ўт экилиши ва майдон текисланиши учун шудгор қилинган.