Аммо бунда Россиядан сотиб олинаётган газ нархларига ва уларнинг шартларига аниқлик киритилмаган.
“Газпром” Қозоғистон орқали газ транзити бўйича 15 йиллик шартнома имзолаб, Россиядан узоқ муддатли газ етказиб беришни яна кафолатлаб олди. Бу ҳақда Санкт-Петербург халқаро иқтисодий форумида йирик энергетика иштирокчилари муҳим келишувга эришган.
Шу тариқа Россиянинг газ гиганти “Газпром” Қозоғистоннинг ҚазақГаз миллий компанияси билан 15 йилга (2025-2040) газни Ўзбекистон ва Қирғизистонга ташиш бўйича узоқ муддатли шартномалар имзолаган.
Ушбу транзитни осонлаштириш учун режалар мавжуд бўлиб, “Марказий Осиё – Марказ” газ қувурлари тармоғини кенгайтириш ва Қозоғистон ҳудудида қўшимча газ транспорти инфратузилмасини ривожлантиришни ўз ичига олади.
Бундан ташқари, “Газпром” ва Қозоғистон ҳукумати “Марказий Осиё – Марказ” ИВ қувурини Ўзбекистонга мўлжалланган газ ҳажмини оширишга тайёрлаш бўйича Ҳаракатлар режасини келишиб олган.
Бу Ўзбекистонга газ етказиб бериш ҳажмини сезиларли даражада оширишга замин яратади, 2024 йилдаги ҳажми йилига 3,8 миллиард куб метрдан 2025 йилда 11 миллиард куб метрга кўтарилиши кутилмоқда.
Аммо бунда Россиядан сотиб олинаётган газ нархларига ва уларнинг шартларига аниқлик киритилмаган.
Маълумот учун, 2017 йилда “Газпром” ва Ўзбекистон ўртасида 5 йиллик шартнома имзоланган. 2023 йилда эса Россиянинг “Газпром” компанияси ва Қозоғистоннинг QazaqGaz компаниялари Россия табиий газини Ўзбекистон истеъмолчиларига ташиш бўйича 2033 йилга қадар амал қиладиган шартномага имзо чеккан эди.