Ўзбекистон Республикаси Бирлашган Миллатлар Ташкилотининг Иқтисодий ва ижтимоий кенгашига 185 овоз билан аъзоликка сайланди. Бу ҳақида Ташқи ишлар вазирлиги хабар берди.
Хабарда қайд этилишича, 2024 йилнинг 7 июнида БМТнинг Нью-Йорк шаҳридаги бош қароргоҳида БМТга аъзо давлатлар 2025-2027 йиллар учун Иқтисодий ва ижтимоий кенгаши аъзолигига сайлов бўлиб ўтказган.
“Яширин овоз бериш натижаларига кўра, Ўзбекистон Республикаси БМТга аъзо давлатларнинг 185 нафар овозини олди ва ўз тарихида биринчи марта Кенгаш аъзолигига сайланди”,
дейилган хабарда.
Эслатиб ўтамиз, Инсон ҳуқуқлари бўйича Миллий марказ директори Акмал Саидов БМТ Инсон ҳуқуқлари бўйича қўмита аъзоси этиб сайланган эди.