Қатар Меҳнат вазири Али бин Смайх Ал Марри Ўзбекистонга келди. У кеча, 2 июнь куни Тошкентда Ўзбекистон Камбағалликни қисқартириш ва бандлик вазири жаноб Беҳзод Мусаев билан учрашган.
Суҳбат чоғида ҳамкорликнинг барча жиҳатлари ва уларни кенгайтириш ва ривожлантириш йўллари муҳокама қилинган. Шунингдек, Қатар ва Ўзбекистон ўртасида меҳнатга оид соҳаларда билим алмашиш йўллари ўрганилган.
“Қатарда айни вақтда тиббиёт, таълим, IT, маҳсулотларни саноат усулида қайта ишлаш, меҳмонхона хизмати ва ОАВ соҳаларида хорижлик ишчи кучига талаб юқори”,
деган Ал Марри.
Бундан ташқари, Доктор Ал Марри Қатар Эйрвейс авиакомпаниясининг Тошкент халқаро аэропортига биринчи тўғридан-тўғри рейсни очиш маросимида ҳам иштирок этган.