Миш-мишлар эса рад этилди
“Одил Абдураҳмоновнинг Олий таълим, фан ва инновациялар вазири лавозимига тайинлангани ҳақидаги хабарлар ҳақиқатга тўғри келмайди”,
деди Uzdiplomat.uz мухбири сўровига жавобан вазирлик матбуот котиби.
2023 йилнинг 26 октябрь куни Қарши шаҳрида Президент Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари юзасидан ўтказган йиғилишида Олий таълим, фан ва инновациялар вазири Иброҳим Абдураҳмонов Қишлоқ хўжалиги вазири этиб тайинланган эди.Шу тариқа, Абдураҳмонов кетгач, унинг ўрни – Олий таълим, фан ва инновациялар вазири лавозими ҳозирга қадар бўш турибди.
Кўп ўтмай оммавий ахборот воситаларида вазир лавозимига Одил Қаландарович Абдураҳмонов тайинлангани ҳақида хабарлар эълон қилина бошланди. Аммо мазкур ахборотлар бугунгача расман тасдиқланган эмас.
Шунингдек, вазирлик расмий сайтида ҳам вазир лавозими бўш тургани кўрсатилган.
Одил Қаландарович Абдураҳмонов Президент Администрацияси Ижтимоий ривожланиш департаментининг раҳбари сифатида фаолият юритиб келаётганди. У 19 октябрь куни Ўзбекистон соғлом турмуш тарзи ва фитнес миллий ассоциацияси раиси лавозимига ҳам сайланган.
Шунингдек, вазирлик расмий сайтида ҳам вазир лавозими бўш тургани кўрсатилган.
Одил Қаландарович Абдураҳмонов Президент Администрацияси Ижтимоий ривожланиш департаментининг раҳбари сифатида фаолият юритиб келаётганди. У 19 октябрь куни Ўзбекистон соғлом турмуш тарзи ва фитнес миллий ассоциацияси раиси лавозимига ҳам сайланган.
Uzdiplomat.uz мухбири мазкур масалага аниқлик киритиш мақсадида Олий таълим, фан ва инновациялар вазирлиги Ахборот хизмати раҳбари Назокат Абдуқундузова билан боғланди. Унинг айтишича, ҳозирги кунда Олий таълим, фан ва инновациялар вазирлигида вазир йўқ.
“Ҳозирда вазир йўқ. Лекин тизим ишлаяпти. Ҳамма ўзининг вазифасини билади ва ўша вазифаларидан келиб чиқиб, ишлаяпти. Айни пайтда биринчи ўринбосарга вазирнинг ваколатлари берилган. Октябрь ойида Одил Абдураҳмоновнинг вазир этиб тайинлангани ҳақидаги ОАВда эълон қилинган хабарлар эса ҳақиқатга тўғри келмайди”,
деб айтди Абдуқундузова.
Маълумот учун, ҳозирда Олий таълим, фан ва инновациялар вазирининг биринчи ўринбосари Комилжон Каримов бўлиб, у 2015 йилдан буён тизимда фаолият юритиб келмоқда.