Уларнинг асосий қисми Тошкент шаҳри хиссасига тўғри келади. Лекин 2023 йилнинг февралида Президент Шавкат Мирзиёев пойтахт бош режа тасдиқланмагунча янги қурилишларга мораторий эълон қилинишини айтган эди.
Статистика агентлигининг дастлабки маълумотларига кўра, 2024 йилнинг январь-апрель ойларида Ўзбекистон Республикасида 46,9 трлн сўмлик қурилиш ишлари бажарилган. Бу кўрсаткич 2023 йилнинг мос даври билан солиштирилганда 7 % га ошган.
2024 йилнинг 1 май ҳолатига Ўзбекистонда қурилиш фаолияти билан шуғулланаётган корхона ва ташкилотлар сони 32 926 тага етган.
Қурилиш фаолияти билан шуғулланаётган корхона ва ташкилотларнинг 7 248 таси Тошкент шаҳрида жойлашган”,
дейилади хабарда.
Бундан кўринадики, энг кўп қурилишлар айнан пойтахт Тошкентда амалга оширилади. Статистик рақамларга кўра, 4 ой ичида пойтахтда 11 миллиард 910 миллион сўмлик қурилиш қилинган ва бу Республиканинг бошқа ҳудудларига нисбатан қаррасига кўпдир.
2023 йилнинг феврал ойида Шавкат Мирзиёев пойтахт жамоатчилик вакиллари ва мутасаддилар иштирокида йиғилиш ўтказиб, унда Тошкентда бош режа тасдиқланмагунча, янги қурилишларга мораторий эълон қилининишини маълум қилган эди.
Бундан кўзланган мақсад эса тартибсиз қурилишлар сабаб дарахтлар кесилишининг олдини олиш ва 2023 йилда Тошкент шаҳрининг яшиллик даражасини 28 фоизга етказиш эди. Аммо айни пайтда Тошкент шаҳрининг яшиллик даражаси неча фоиз экани номаълум.
Ўшанда Президент қурилишга рухсат берилганда, мавжуд инфратузилмага юклама бўйича аниқ ҳисоб-китоб қилинмаётгани, яшил майдонлар ташкил қилиш ишлари қурилишлар билан ҳамоҳанг олиб борилмаётганини танқид қилганди ҳам.
Аммо бу танқидлардан кейин ҳам, яъни 2023 йилнинг ўзида ҳам Тошкент шаҳрида 36 миллиард 222 миллион сўмлик қурилиш қилинган ва бу 2022 йилга нисбатан камайиш ўрнига 3,5 миллиардга кўпроқдир.