Аввалроқ Ўзбекистон Экологик партияси кўмирдан флйдаланишнинг кўпайиши ҳавонинг ифлосланишига сабаб бўлаётгани боис мамлакат кўмирдан воз кечиши кераклигини айтган эди.
Жорий йилнинг 12 май куни Транспорт вазири Илҳом Маҳкамов ва Ўзбекистоннинг Афғонистон бўйича махсус вакили Исматулла Эргашев бошчилигидаги делегация Афғонистон муваққат ҳукумат Ташқи ишлар вазири вазифасини бажарувчи Амир Хон Муттақий билан учрашган.
Учрашувда Ўзбекистон Афғонистондан 1 миллион тонна кўмир сотиб олиши масаласини муҳокама қилган ва Кобулга техник гуруҳни жўнатмоқчи эканини айтган.
Маълумот учун, Ўзбекистонда 2023 йилнинг январь-декабрь ойларида йирик корхоналар томонидан 6,1 млн тонна кўмир ишлаб чиқарилган. Мамлакат бу йил кўмир қазиб чиқаришни 8 миллион тоннага етказиш, шундан 900 минг тоннасини тадбиркорлар томонидан олишни режалаштирмоқда.
Ҳисоб-китобларга кўра, Ўзбекистонда жами 2 млрд тонна кўмир захираси мавжуд. Бу имконият ишга солиниб, кўмир қазиб олиш ҳажми изчил ошириб келинмоқда.
Хусусан, 2016 йилда бу кўрсаткич йилига 4 миллион тоннадан кам бўлган бўлса, 2023 йилда 6 миллион 550 минг тоннага етган. 2025 йилда эса кўмир қазиб олиш ҳажми 10 млн тоннага етказмоқчи.
Эслатиб ўтамиз, аввалроқ Экопартия Ўзбекистонда кўмир ишлатилишига қарши чиққан эди. Экопартия ўшанда «…Йилдан йилга кўмирдан фойдаланиш кўпаяётгани, мамлакатимиз зиммасига олган халқаро мажбуриятлар бажарилишига тўсиқ бўлиши шубҳасиз” эканини айтган.