Ўзбекистон Республикаси Президенти Шавкат Мирзиёев бугун, 22 апрелдан қисқа муддатли меҳнат таътилига чиқди. Бу ҳақда Президент матбуот котиби маълум қилди. Мирзиёев шу кунга қадар 24 кун дам олган.
17 йиллик меҳнат фаолиятидан сўнг давлат раҳбари илк бор 2019 йилда 5 августдан 12 августгача, 7 кун таътил олганди.
Айни шу йил якунида фавқулодда бошланган коронавирус пандемияси сабаб мамлакатда фавқулодда ҳолат эълон қилган Шавкат Мирзиёев 2020 йилда дам ололмаган.
У фақатгина 2021 йилнинг январь ойига келиб, 4−11 январь кунлари (7 кун) қисқа муддатли меҳнат таътилига чиққан.
Президентнинг 2022 йилги таътили эса атиги икки кун давом этди. 5 январь куни бошланган таътилнинг 7 январда тугашига қўшни Қозоғистон Республикасидаги тартибсизликлар сабаб сифатида келтирилади.
2023 йил 4 декабрда ҳам қисқа муддатли меҳнат таътилига чиқиб, 8 кун дам олди ва 12 декабрдан яна ишини давом эттирди.
Шавкат Мирзиёевнинг жорий йилги таътили неча кун давом этиши очиқланмаган. Аммо ўтган йиллардагидан хулоса қилинса, агар фавқулодда ҳодисалар содир бўлмаса, бу таҳминан бир ҳафтани ташкил қилиши мумкин.