БААда бўлиб ўтаётган Жаҳон савдо ташкилотининг конференцияси доирасида Исроил иқтисодиёт вазири Нир Баркат ва Ўзбекистон бош вазири ўринбосари Жамшид Хўжаев ўртасида мулоқот бўлиб ўтди. Унда эса Исроил Ўзбекистоннинг ЖСТга аъзолигини маъқуллаши ҳақида тегишли ҳужжат имзоланди. Бу ҳақда Ўзбекистоннинг Исроилдаги элчихонаси хабар берди.
“Икки давлат ўртасидаги иқтисодий ҳамкорликни мустаҳкамлаш Исроил компаниялари учун катта имкониятлар яратади”, — деди Исроил иқтисодиёт вазири Нир Баркат.
Маълумот учун, Жаҳон савдо ташкилоти давлатлараро кўп томонлама савдо тизими ҳамда халқаро савдо қоидаларини ўрнатувчи нуқузли ташкилот. Ўзбекистон 1994 йилдан бошлаб унга аъзо бўлолмай келади. Ҳозирда Жаҳон савдо ташкилотига 164 та давлат аъзо бўлиб, Ўзбекистон ташкилотга кириши учун уларнинг барчасининг розилиги керак бўлади.