Бугун, 14 март куни Ўзбекистон Республикаси Ташқи ишлар вазири Бахтиёр Саидов Корея Республикасининг мамлакатдаги дипломатик миссиясини якунлаётган Элчиси Ким Хи-сангни қабул қилди.
“Ташқи ишлар вазирлиги номидан жаноб Элчига мамлакатимизда бўлган даврида алоҳида стратегик шерикликни бойитишга қаратилган фидокорона хизмати учун ўз миннатдорлигимизни билдирамиз. Дипломатнинг келгуси фаолиятида муваффақиятлар тилаб қоламиз”, – деб ёзган вазир.
Шунингдек, бугун 14 март куни у Австриянинг Ўзбекистондаги Элчиси этиб тайинланган Матиас Радостични ҳам қабул қилиб, янги элчига ишонч ёрлиқларини топширган.
“Икки ва кўп томонлама муносабатларимиз, айниқса, иқтисодий йўналишдаги ҳамкорлигимиз кун тартиби кўлами жуда кенг. Жаноб Элчига мамлакатимиздаги фаолияти давомида фойдаланилмаган имкониятларни кашф этишда муваффақиятлар тилаймиз”, – деган вазир Саидов.