Ўзбекистон Республикасининг Президентнинг 30.10.2019 йилдаги ПФ-5863-сон Фармони билан давлат ўрмон фондига кирмайдиган дарахтлар ва буталар қимматбаҳо навларининг кесилишига 2019 йил 1 ноябрдан 2020 йил 31 декабргача мораторий жорий этилган. Кейин эса бу мороторий муддатсиз вақтга узайтирилди.
Аммо Ўзбекистонда мороторий эълон қилингандан кейин ҳам дарахтларнинг кесилиши давом этмоқда.
Масалан, 2020-2023 йилларда жами 25 047 туп кесилган. Шундан 10 484 тупи қимматбаҳо дарахтлардир. Бу ҳақда бугун, 4 март куни Ахборот ва оммавий коммуникациялар агентлигида бўлиб ўтган матбуот анжуманида Экология вазирлиги мутахассиси жавоб берди.
➖2020 йилда 3428 туп;
➖2021 йилда 4182 туп;
➖2022 йилда 1777 туп;
➖2023 йилда эса 1097 туп қимматбаҳо турдаги дарахтлар кесиб юборилган.
Маълумот учун, Ўзбекистонда ноқонуний кесилган ҳар туп дарахт учун 100 туп кўчат экиш ва уларни 3 йил парваришлаш мажбурияти юклатилган.