Ўзбекистондаги “Мikrokreditbank”, “Бiznesni rivojlantirish banki”, “Тuronbank” ларининг 148 нафар бошқарув ходими 155 та тадбиркорлик субъектида фаолият юритиб келаётгани аниқланди. Бу ҳақида Коррупцияга қарши курашиш агентлиги хабар берди.
Қайд этилишича, “Мikrokreditbank” AТБнинг 94 нафар бошқарув ходими 96 та тадбиркорлик субъектида, “Бiznesni rivojlantirish banki” AТБнинг 41 нафар бошқарув ходими 46 та тадбиркорлик субъектида ҳамда “Тuronbank” AТБнинг 13 нафар бошқарув ходими 13 та тадбиркорлик субъектида таъсисчи сифатида рўйхатдан ўтгани очиқланган.
Юқоридаги қонун бузилиши ҳолатлари бўйича aгентлик мазкур банкларга тақдимномалар киритган.
Банклар тадбиркорлик субъектларида таъсисчилик қилаётган ходимларига огоҳлантириш хатлари берган.
Маълумот учун, Ўзбекистон Республикасининг “Тадбиркорлик фаолияти эркинлигининг кафолатлари тўғрисида”ги, “Давлат фуқаролик хизмати тўғрисида”ги қонунларида давлат фуқаролик хизматчиси тадбиркорлик фаолияти билан шуғулланиши тақиқланган.
Эслатиб ўтамиз, аввалроқ давлат хизматчиларининг 400 га яқини тадбиркорлик фаолияти билан шуғулланганини маълум қилган эдик.