Ўзбекистонда сиёсатчилар ва партия раҳбарлари ичида Алишер Қодиров номзоди етакчи эканлиги намоён бўлмоқда.
Демократик дунё тажрибасидан маълумки, сиёсий жараёнлар олдидан жамоатчилик фикрини ўрганишнинг турли-туман усулларидан фойдаланилади. Сўровномалар, ижтимоий экспериментлар қилинади.
Шу маънода мустақил манба сифатида Uzdiplomat.uz мамлакатдаги сиёсий партиялар орасида фаол партия раҳбари кимлигини аниқлаш учун сўровнома ўтказди. Сўровноманинг мақсади мустақил равишда одамларнинг фикрини ўрганиш, партия раҳбарларининг жамоатчилик орасидаги мавқеини аниқлаш эди. Сўровномани 20 минг нафарга яқин ўқувчи кузатди. Овозларни ҳисоблаш учун белгиланган вақт оралиғида овоз берган 2244 нафар кузатувчи овози ҳисобга олинди.
Унга кўра:
I ўрин: «Миллий тикланиш» – Алишер Қодиров 548;
II ўрин: «ЎзЛиДеП» – Актам Ҳаитов 547;
III ўрин: «Экопартия» – Абдушукур Хамзаев 546;
IV ўрин: «ХДП» – Улуғбек Иноятов 398;
V ўрин: «Адолат» – Робахон Маҳмудова 205.
Сўровномада қатнашган 353 нафар одам партияларга қизиқмаслигини билдирган.
Шунингдек, Uzdiplomat.uz’нинг ижтимоий тармоқдаги кузатувчилари партия раҳбарлари ҳақида ўз фикрларини қолдиришган. Муносабатларда кўпчилик таълим бўйича ўзгариш қила оладиган фақатгина Алишер Қодировлигини эътироф этган. Айримлар эса ёш бўлишига қарамасдан фойдали ишларни қилаётган партия сифатида Экопартияни кўрсатган. Бошқа бир гуруҳ кузатувчилар сайлов пайти бўлгани учун депутатлар фаоллашганини, аммо сайлов тугагандан сўнг депутатлар кўринмай қолишини айтишган.
Сўровнома партияларнинг яна айрим жиҳатларини ҳам очиқлаётгандек туйилмоқда.
Рақамларда кўп сонли аъзоларга эга партиялардан бири сифатида кўрсатилаётган «Адолат» социал демократик партияси раҳбари Р.Маҳмудованинг (205 та овоз) энг сўнгги ўриндан жой олгани бўлди.
Ижтимоий сўровномалар давом этади.