Ўзбекистоннинг Рақамли технологиялар вазирлиги делегацияси жорий йилнинг 2 – 3-сентябрь кунлари Остона шаҳрида бўлган “Рақамли инклюзия ва трансформация бўйича Осиё – Тинч океани вазирлар конференцияси”да қатнашиш учун хизмат сафарида бўлди. Бу ҳақида вазирлик матбуот хизмати хабар берди.
Қайд этилишича,тадбир Осиё ва Тинч океани учун иқтисодий ва ижтимоий комиссия (ЭСКАТО) томонидан ташкил қилинган.
Ушбу конференция давомида вазир Шерзод Шерматов Қозоғистон Республикаси Рақамли ривожланиш, инновациялар ва аэрокосмик саноат вазири Ж.Мадиев билан учрашди.
Суҳбат давомида икки давлат ўртасида космосга сунъий йўлдошлар гуруҳини учириш бўйича ҳамкорлик қилиш масаласи муҳокама қилинди.
Шунингдек, рақамли кўникмаларни ўқитишни таъминлаш, рақамли инклюзивлик ва рақамли трансформация бўйича минтақавий ҳамкорлик ҳолати ва уни мустаҳкамлаш бўйича масалаларни муҳокама қилди.
Шу билан бирга, рақамли инновацияларни жадаллаштириш учун зарур минтақавий ҳамкорлик режаларига диққат қаратилган.