«Telegram» asoschisi Pavel Durov Fransiyada qo‘lga olinganidan so‘ng, messenzherning mashhurligi keskin oshdi. Dunyo bo‘ylab iOS qurilmalariga «Telegram» yuklab olishlar soni bir sutka ichida 4 foizga o‘sdi, deb xabar bermoqda «TechCrunch» nashri.
Fransiyada Durovning messenzheri App Storeʼda izhtimoiy tarmoqlar kategoriyasida birinchi o‘rinni egalladi va umumiy ilovalar reytingida uchinchi o‘ringa ko‘tarildi. AQShdagi Apple ilovalar do‘konida «Telegram» 26 avgust kuni izhtimoiy tarmoqlar o‘rtasida ikkinchi o‘ringa chiqdi, keyin uchinchi o‘ringa tushdi.
App Storeʼdagi eng yaxshi ilovalar reytingida (o‘yinlarni hisobga olmagan holda) AQShda Telegram 18-o‘rindan sakkizinchi o‘ringa ko‘tarildi, deya xabar beradi «Appfigures» analitik xizmati.
Eslatib o‘tamiz, Durovning hibsga olish muddati 28 avgustgacha uzaytirildi. Parizh shahri prokurori «Telegram» asoschisi kiberzhinoyat ishi bo‘yicha qo‘lga olinganini ma’lum qildi, Fransiya Prezidenti esa Durov ishi siyosiy xarakterga ega emasligini ta’kidladi.