Террорчилар Ўзбекистон ва Тожикистон фуқаролари.
Жами саккиз нафар қамоқхона ходими маҳбуслар томонидан гаровга олинган. Қайд этилишича, воқеа 19-сонли ахлоқ тузатиш колонияси интизомий комиссиясининг йиғилиши пайтида юз берган.
Жиноятчилар гаровга олинганлар эвазига автомобиль ва тўртта автомат берилишини талаб қилишган. Бундан ташқари, улар «ШИЗОДАН» экстремистик жиноятлар учун судланган ватандошлари орасидан маҳбусларни озод қилишни сўрашган. Ҳозирда ҳужум бартараф этилди. Қурбонлар бор. Омон қолган беш нафар ходим касалхонага ётқизилди, дея хабар беради Федерал Жазони ижро этиш хизмати. Суровикинода гаровга олинганлар ҳақида яна нималар маълум:
Россия гвардиясининг снайперлари ярим соат давом этган ҳужум чоғида барча тўрт босқинчини йўқ қилди, деб хабар берди РИА Новости департаментга таяниб.
Хавфсизлик кучларига яқин бўлган Мash каналига кўра, маҳбуслардан икки нафари отишмалардан омон қолган, аммо ҳозир «ўта оғир аҳволда».
Жиноятчилардан бири портловчи моддалар солинган қўлбола худкуш камзулида бўлган. Ҳужум пайтида у уни портлатиб юбормоқчи бўлган, унинг режаси амалга ошмади, деб хабар берди Мash канали.
▪️Босқинчилар Тожикистон ва Ўзбекистон фуқаролари. Улардан уч нафари гиёҳванд моддалар савдоси, яна бири қасддан одам ўлдиришда айбланган.
Аввлроқ ТАСС уларнинг шахсларини очиқлади:
▪️ Ўзбекистон фуқароси Рамзиндин Тошев 2023 йилда РФ Жиноят кодексининг 228.1-моддаси 4-қисми бўйича (наркотик воситаларни ноқонуний ишлаб чиқариш, сотиш ёки жўнатиш) 8 йилга озодликдан маҳрум қилинган;
▪️ Тожикистонлик Назиржон Тошов 2022 йилда РФ Жиноят кодексининг 30-моддаси 3-қисми, 228.1-моддаси 4-қисми “г” банди бўйича (катта миқдорда наркотикларни ишлаб чиқариш, сотиш ёки жўнатишга уриниш) 8,5 йилга қатъий режимли колонияга ҳукм қилинган;
▪️ Тожикистонлик Наврўзи Рустамжон шу каби жиноят учун ҳамтовоғи билан биргаликда 7 йилга озодликдан маҳрум қилинган;
▪️ Ўзбекистон фуқароси Темур Ҳусинов 2019 йилда муштлашувда иштирок этиб, ҳамтовоғи билан бирга бир кишини ўлдиргани учун ҳукм қилинган. Унинг жазо муддати 2024 йил ноябрида тугаши керак эди.
Гаровга олингандан сўнг эълон қилинган видеоларда улар ўзларини «Ислом давлати» тарафдорлари деб атаган ва «мусулмонларга зулм қилган, ҳақорат қилган, қийноққа солган»ларни ўлдирганликларини айтишган. Маҳбуслар, шунингдек, ўз ҳаракатларини «Крокус учун қасос» деб изоҳлашган