Qozog‘iston Tashqi ishlar vaziri o‘rinbosari Alibek Baqoev «Tolibon»ning diplomatik missiyasi rahbari Muhammad Rahmon Rahmoniyni Afg‘onistonning Qozog‘iston Respublikasidagi Muvaqqat ishlar vakili sifatida akkreditasiyadan o‘tkazdi. Bu haqida Qozog‘iston Tashqi ishlar vazirligi xabar berdi.
Zhoriy yilning 21 avgust kuni Qozog‘iston Tashqi ishlar vaziri o‘rinbosari Alibek Bakaev Afg‘oniston diplomatik missiyasi rahbarini qabul qildi.
Uchrashuvda A.Bakaev M.Rahmoniyni Afg‘onistonning Qozog‘istondagi Muvaqqat elchi sifatida akkreditasiya qilganini va bunda Afg‘oniston va Qozog‘iston o‘rtasidagi savdo-iqtisodiy munosabatlar va gumanitar hamkorlikni kengaytirish har ikki davlat uchun ham muhim ekanligi ma’lum qilindi.
Muzokaralar davomida Qozog‘iston Afg‘onistonga yordam ko‘rsatish va gumanitar muammolarni hal qilish bo‘yicha sa’y-harakatlarni birlashtirish tarafdori ekanligi ta’kidlandi. Shu maqsadda Qozog‘istonning Olmaota shahrida Markaziy Osiyo va Afg‘oniston mamlakatlari uchun Barqaror rivozhlanish maqsadlari bo‘yicha BMT ning mintaqaviy markazini tashkil etish taklif qilindi.
Ma’lumot uchun, «Tolibon» elchisini bugungi kunga qadar faqat Xitoy akkreditasiyadan o‘tkazgan.
Eslatib o‘tamiz, 19 avgust kuni Bosh vazir Abdulla Aripovning Afg‘onistonga qilgan rasmiy tashrifida «Tolibon» hukumati vakilini O‘zbekistonda rasmiy elchi sifatida ko‘rish va uni akkreditasiyadan o‘tkazish masalalari muhokama qilingan edi.
Bunga aloqador rasmiy tashkilotlar bu xabar bo‘yicha munosabat berishni xohlamadi.