Россиянинг Курск, Брянск ва Белгород вилоятларидаги ўзбекистонликлар огоҳлантирилди.
Ўзбекистоннинг Россиядаги элчихонаси Курск, Брянск ва Белгород вилоятларида яшовчи ўзбекистонликларга рус тилида мурожаат қилди.
Унда Курск, Брянск ва Белгород вилоятларидаги мавжуд вазият муносабати билан Ўзбекистоннинг Россиядаги элчихонаси зарур эҳтиёт чораларини кўришни, ўта зарурат бўлмаса, кўчага чиқмасликни, шунингдек, одамларнинг кўп тўпланишига йўл қўймасликни ва жамоат жойларига ташриф буюришни чеклашни тавсия қилинган.
Ушбу ҳудудларда таҳсил олаётган талабаларга вақтинча масофавий ўқитиш форматига ўтиш тавсия этилди.
Агар консуллик ёрдами ёки маслаҳатлари зарур бўлса, Москвадаги элчихонанинг консуллик бўлимининг call-марказига: +7 499 238-36-20, +7-499 230-00-76 рақамлари орқали мурожаат қилишлари мумкин, дейилади хабарда.
Эслатиб ўтамиз, Украина қуролли кучларининг Курск вилоятига оммавий ҳужуми 6 август куни бошланган. Бу вақт ичида минтақада бир неча бор ракета таҳдиди эълон қилинган.
Авввалроқ Украинанинг Россияга босқини кучайгани, лекин Ўзбекистон ҳукумати эса ўз фуқаролари бўйича хавотирини билдирмагани ҳақида ёзган эдик.
9 август кунги сўровимизга жавобан Ташқи ишлар вазирлиги бу ишлар ҳозир ўрганилаётганлиги ва маълум бўлганидан дипломатик жавоб берилишини айтган эди.