Туркманистон қўшни тўққиз давлатдан ўз фуқароларини депортация қилишини сўраб хат юборган. Бу ҳақда «Хроника Туркменистана» нашри маълум қилган.
Жорий йилнинг 19 июль куни Туркманистон дипломатик каналлари орқали бир қатор мамлакатларга 50 кишидан ортиқ рўйхат тузиб, уларни ўз ҳудудига киритмаслик ёки Туркманистонга депортация қилишини сўраган.
Хабарга кўра, хат Беларусь, Россия, Озарбайжон, Қозоғистон, Ўзбекистон, Тожикистон, Қирғизистон, Туркия, Эрон ва эҳтимол, Молдова, Грузия ва Арманистонга ҳам юборилган.
«Рўйхатга жамоат фаоллари, журналистлар, мустақил оммавий ахборот воситалари вакиллари ва мухолифат аъзолари киритилган. Расмийларнинг фикрича улар давлат хавфсизлигига таҳдид солади. Туркманистон Республикаси ушбу рўйхатдаги 9 кишини ватанига қайтаришни сўраган», — дейилади хабарда.
Нашрнинг ёзишича, мурожаат уни хорижий давлатлар бажаришини англатмайди .