Қирғизистон Президенти Садир Жапаров яқинда Ўзбекистонга ташриф буюради. Унинг ташрифидан асосий мақсад эса икки давлат ўртасидаги савдо алоқалари ҳажмини ошириш масалаларини кўриб чиқишдир. Бу ҳақда Қирғизистон Республикаси Иқтисодиёт ва савдо вазири ўринбосари Санжар Болотов маълум қилган.
Вазир ўринбосарининг айтишича, бўлажак учрашувда президентлар икки мамлакат ўртасидаги дўстона алоқаларни мустаҳкамлаш, қўшничилик ва ўзаро манфаатли муносабатларни ривожлантириш масалаларини кўриб чиқади.
“Президентларимиз, мамлакатларимиз ўртасидаги товар айирбошлаш ҳажмини 2 миллиард АҚШ долларга етказиш вазифасини қўйган. Бу қийин, аммо эришиш мумкин бўлган мақсад. Бу мақсадга эришиш учун биз биргаликда ҳаракат қилишимиз ва бунинг учун барча мавжуд восита ва механизмлардан фойдаланишимиз керак. Ишончим комилки, биргаликдаги бу кўрсаткичларга нафақат эришамиз, балки ошиб ҳам кетамиз”,
деди Болотов.
Маълумот учун, Садир Жапаров охирги марта 2023 йилнинг ноябрь ойида Ўзбекистонга келганди.