Қозоғистон Афғонистон билан иқтисодий ҳамкорликни ривожлантириш мақсадида “Толибон” ҳаракатини террорчилар рўйхатидан чиқариб ташлади. Бу ҳақда мамлакат президенти Қосим-Жомарт Тўқаев Хавфсизлик Шартномаси Ташкилоти (ОДКБ) спикерлари билан учрашувда маълум қилган.
“Қозоғистон замонавий Афғонистон билан савдо-иқтисодий ҳамкорликни ривожлантириш муҳимлиги ва бу режим узоқ муддатли омил эканлигини англаган ҳолда Толибон режимини террорчилар рўйхатидан чиқарди”,
дея унинг матбуот хизмати Қозоғистон раҳбарининг сўзларидан иқтибос келтирган.
Унинг фикрича, ҳозирги босқичдаги стратегик вазифалардан бирини Афғонистонни минтақалараро алоқаларга жалб этиш, деб аташ мумкин.
Бундан ташқари, Тўқаев Қозоғистоннинг Олмаота шаҳрида БМТнинг Марказий Осиё ва Афғонистоннинг барқарор ривожланиш мақсадлари бўйича минтақавий марказини ташкил этиш ғоясини қўллаб-қувватлашга чақирган.
Эслатиб ўтамиз, аввалроқ Россия “Толибон”ни террорчилар рўйхатидан чиқармоқчилигини хабар қилган эдик. Аммо АҚШ Россиянинг бу ҳаракати яхшиликка олиб келмаслигини айтган.