Афғонистон муваққат ҳукуматининг Наркотикларга қарши кураш бошқармаси делегацияси расмий ташриф билан Ўзбекистонга келди. Бу ҳақда турли афғон манбалари хабар бермоқда.
Маълум бўлишича, ташриф Ўзбекистон томони таклифига биноан бўлган.
“Ички ишлар вазирлигининг Наркотикларга қарши курашиш бошқармасининг бир қатор бошлиқ ва раҳбарлари расмий ташриф билан дўст Ўзбекистонга жўнаб кетди.
Делегация таркибида Наркотикларга қарши кураш бошқармаси бош директори Алҳожи муфтий Муҳаммадуллоҳ Аҳмади Соҳиб ва бошқарманинг бошқа мансабдорлари бор”,
дейилади Афғонистоннинг Гиёҳванд моддаларга қарши кураш комиссияси хабарида.
Делегацияга эса Афғонистондаги ўзбек диоспораси вакили Абдул Салам Ҳанафий раҳбарлик қилган.
Бошқа манбаларнинг қайд этишича, Делегация аъзолари Ўзбекистонда гиёҳвандликка қарши кураш бўйича илмий семинарда иштирок этади.