Ўзбекистон 2019 йил Туркий Давлатлар Ташкилотига қўшилди. Аммо Еврoосиё иқтисодий иттифоқига 2020 йилдан бери кузатувчи мақомида иштирок этиб келади. Ўзбекистон нима учун Евроосиё иқтисодий иттифоқига қўшилишни эмас Туркий давлатлар ташкилотига қўшилишни афзал билган? Ўзбекистон келажаги учун қайси ташкилот муҳимроқ? Шу каби саволларга Uzdiplomat.uz сиёсатшунос Санжар Саидовдан жавоб олди.
Сиёcaтшуноснинг айтишича, Ўзбекистоннинг ташқи сиёсат концепциясига кўра мамлакат ҳеч қандай ҳарбий ташкилотларга аъзо бўлмаслиги ва ўз ҳудудида ҳеч қандай ҳарбий ташкилотларнинг инфратузилмаси ва ҳарбий базалар қуришига йўл қўймаслиги, Ўзбекистон қуролли кучларининг бошқа қуролли конфликтларда иштирок этмаслиги кабилар ўрин олган.
Шунингдек, у Ўзбекистон ташқи сиёсати икки томонлама сиёсатдан аста-секин кўп томонлама сиёсатга ўтаётганини таъкидлади.
Шу давргача Туркий Давлатлар Ташкилотига аъзо бўлмагани биринчи ҳукумат давридаги ташқи сиёсатни акс эттирган.
“Евроосиё Иқтисодий Иттифоқи хусусида тўхталадиган бўлсак, охирги 3-4 йил ичида жуда кўплаб экспертлар, сиёсатшунослар, иқтисодчилар ҳатто бошқа соҳа вакиллари ҳам дискуссия уюштирмоқдалар: “Ўзбекистон бу ташкилотга аъзо бўлиши керакми ёки керакмасми, бу ерда Ўзбекистонни миллий манфаатлари қай даражада инобатга олинади?”- деган саволлар кун тартибида турибди. Лекин ҳозирча Ўзбекистон бу ташкилотда кузатувчи сифатида турибди. Буни ҳам қайсидир маънода Ўзбекистон ташқи сиёсатининг муҳим бир ютуғи дейишимиз мумкин”,
-деди сиёсатшунос Санжар Саидов.
Унинг айтишича, Россия интеграцияга жалб қилаётган давлатлар билан тенг ҳуқуқли, тўлақонли ҳамкор сифатида ўзини кўрмоқдами ёки уларга олдингидай катта оғалик руҳида қараяптими? Афсуски иккинчи ёндашув ўзини ёрқин кўрсатаётганини эксперт алоҳида таъкидлаган.
“Лекин аслида масаланинг туб илдизига назар ташлайдиган бўлсак Евроосиё Иқтисодий Иттифоқи Ўзбекистон манфаатига умуман жавоб бермайди”
,- деди сиёсатшунос.
Батафсил видеода кўринг!
https://www.youtube.com/watch?v=KKAtaJuc8yE