Ўзбекистон ва Қирғизистондан келган меҳнат муҳожирлари ҳам Россия аэропортлари ва назорат-ўтказиш пунктларида оммавий равишда қўлга олинмоқда. Бу ҳақда “Агентство” нашри хабар берди.
Нашрнинг ҳуқуқ ҳимоячиси Валентина Чупикнинг сўзларига кўра, Россия ҳеч қачон бошқа давлат фуқароларига бундай кенг миқёсда чеклов ўрнатмаган.
“Муҳожирларни кириш вақтида оммавий ҳибсга олиш 24 апрелда бошланган ва 1 майга келиб Россия аэропортларида 4500 га яқин одам тўпланган ва худди шунча одам назорат пунктларига киритилмаган”,
деган “Агентство” нашри ҳуқуқ ҳимоячиси Валентина Чупик.
Ҳуқуқ ҳимоячисининг айтишича, қўлга олинганларнинг ярмидан ортиғи – 2250 га яқини Ўзбекистон фуқаролари. Жами қўлга олинганларнинг тўртдан бир қисми тожикистонлик меҳнат муҳожирлари, қолганлари асосан Қирғизистон фуқаролари.
“Россияга рўмол ўраган аёллар ва соқолли эркаклар киритилмаяпти. 24 апрелдан буён чегарачилар томонидан қўлга олинган муҳожирлардан икки юзга яқин мурожаат келиб тушган. Қўлга олинган одамларга овқатланиш, сув ичиш, ҳожатхонага бориш ва телефон ишлатишга рухсат берилмаяпти. Уларга ҳеч нарса тушунтирилмаган ҳам”,
деди Валентина Чупик
Эслатиб ўтамиз, аввалроқ Россия 4 кун ичида (26 апрелдан 30 апрелга қадар) 643 нафар Тожикистон фуқаросини мамлакат ҳудудидан депорт қилинган эди.