Қозоғистон ва Ўзбекистон бир-бирининг трансчегаравий сув объектларига ҳисоблагичлар ўрнатади. Бу ҳақда Қозоғистон сув хўжалиги вазири Нуржон Нуржигитовга таяниб, Спутник Қозоғистон нашри хабар бермоқда.
Маълум қилинишича, шу орқали томонлар ҳар икки давлат истеъмол қиладиган сув ҳажмини аниқ ҳисоблаб чиқмоқчи.
“Ҳозирда томонларнинг мутахассислари ҳисоблагичларни қаерга ўрнатиш ҳақида таҳлиллар ўтказмоқда.
Апрел ойидаёқ бошқа қўшниларимиз билан ҳам ана шундай лойиҳаларни амалга ошириш бўйича музокараларни бошлашни режалаштирганмиз, – деган Қозоғистон сув хўжалиги вазири Нуржон Нуржигитов.
Маълумот учун, Ўзбекистон ва Қозоғистон ўртасидаги энг йирик трансчегаравий сув объэктлар бу – Сирдарё ва Орол денгизидир.
Эслатиб ўтамиз, январь ойида вазир Нуржон Нуржигитов Қозоғистон Ўзбекистон билан Сирдарё сувидан фойдаланиш буйича келишувни янгилаш ниятида эканини маълум қилган эди.