Uzdiplomat.uz мухбири Бухоро марказининг бугунги ҳолатини тасвирга олди.
Шу кунларда Бухорода 2024−2026 йилларга мўлжалланган лойиҳани амалга ошиириш учун шаҳарнинг тарихий қисми, шунингдек, «Боқий Бухоро» этнографик сайёҳлик маркази қурилиши туфайли бир қатор давлат объектлари бузилмоқда.
Аввалроқ, қиймати 470 миллион долларлик лойиҳани амалга ошириш мақсадида 2002 йилда қурилган «Бухоро арена» спорт мажмуаси ва футбол стадионини бузиш ишлари бошлангани ҳақида хабар берилганди.
Маълумот учун, Ўзбекистон бош вазири Абдулла Арипов 2022 йил 26 декабрда имзолаган ҳукумат йиғилишининг баённомасида 29 та давлат объектини бошқа жойга кўчириш кўзда тутилган. Ҳужжатда, жумладан, Бухоро вилояти ва Бухоро шаҳар ҳокимликлари, вилоят прокуратураси, Мажбурий ижро бюроси, 2-мактаб, Бухоро давлат тиббиёт коллежи, маданият коллежи, «Бухоро Арена» стадиони, ФҲДЁ ва бошқа биноларни бошқа жойга кўчириш кўзда тутилган.
Жараёндан тайёрланган фоторепортаж билан танишинг: