13 сентябрь куни АҚШ Давлат котиби Энтони Блинкен Россиянинг РТ телеканалига қарши қўлланилган янги тақиқни эълон қилди. Уни»Россия разведка аппаратининг буйруқни бажарувчи қўли» эканликда айблади.
Блинкеннинг айтишича, РТ Россия томонидан қўллаб-қувватланадиган оммавий ахборот воситалари тармоғининг бир қисми, улар яширинча «Қўшма Штатлардаги демократияга путур етказмоқчи».
Унинг қўшимча қилишича, Россия ҳукумати “РТ тизимига кибер оператив имкониятларга эга ва Россия разведкаси билан алоқадор бўлинмани киритган”.
РТ Блинкеннинг РФ ҳукумати ҳақидаги сўзларини “АҚШнинг сўнгги фитна назарияси” деб эълон қилган.
Россия Ташқи ишлар вазирлиги матбуот котиби Мария Захарова АҚШда Россияга нисбатан қўйилаётган санкциялар бўйича «янги касб» пайдо бўлаётганини эътироф этган.
АҚШдаги сайловга РТ таъсир ўтказишга урингани тўғрисидаги иддаосига жавобан, ўтган ҳафта АҚШ томонидан санкцияга учраган РТ бош муҳаррири Маргарита Симонянни эслатган. Кўплаб РТ журналистлари АҚШда ва унинг маблағи ҳисобидан таҳсил олганини билдириб, АҚШнинг зўр ўқитувчилигини урғулаган.
Давлат департаменти собиқ » Russia Today»давлат телерадиокомпаниясини Европа, Африка, Шимолий ва Жанубий Америка мамлакатларида “ахборот операциялари, махфий таъсир ва ҳарбий харидлар” билан шуғулланганликда айблади.
Жаноб Блинкен, шунингдек, РТни Украинада жанг қилаётган рус аскарлари учун зирҳ, снайпер милтиқлари, дронлар ва бошқа жиҳозларни сотиб олиш учун онлайн маблағ йиғишда айблади.
Унинг маълум қилишича, тармоқ 2024 йил октябрида бўлиб ўтадиган президентлик сайлови олдидан Россия разведкаси билан келишилган ҳолда Молдова сиёсатига ҳам таъсир ўтказишга ҳаракат қилган.
АҚШ РТ телеканалининг икки ходимини бу йилги президентлик сайловига аралашишга уринишда айблаган эди, бироқ жума куни АҚШ расмийлари Россиянинг демократияни бузиш ҳаракатларида давлат телерадиокомпанияси каттароқ рол ўйнаганини айтди.
Давлат томонидан молиялаштириладиган медиа ташкилоти ўшанда АҚШ ҳукуматининг айбловини масхара қилиб, «BBC» га баёнот берган.
«Ҳаётда учта нарса аниқ: ўлим, солиқлар ва РТнинг АҚШ сайловига аралашуви»
Блинкен матбуот анжуманида шундай деди:
«Россиянинг ёлғонларига қарши бизнинг кучли доримиз ҳақиқатдир».
Блинкен санкциялар нашрнинг хабарлари мазмунига боғлиқ эмаслигини таъкидлаб, АҚШ мустақил журналистикани қўллаб-қувватлашини урғулади.
«Яширин таъсир қилиш фаолияти журналистика эмас», деди у.
Бу эълон АҚШ ҳукумати 2024 йилги сайлов арафасида Россия давлат оммавий ахборот воситаларига қарши кўрган чора-тадбирлар мажмуасининг бир қисмидир. Давлат департаменти, шунингдек, РТни хорижий ваколатхона сифатида белгилаган.
Вашингтоннинг Россия ОAВига нисбатан қўллаган таъқиқлари жавобсиз қолмайди. Бу ҳақда Россия ташқи ишлар вазирлигининг расмий вакили Мария Захаровага таяниб “РБК” нашри хабар берди.
13 сентябр куни AҚШ давлат котиби Ентони Блинкен Россиянинг » Russia Today» “РИA Новости” ва
“Спутник” агентликлари, «ТВ-Новости» “Россия телеканали” ва «Евросиё» қарши янги санкциялар жорий етилганини эълон қилган эди.
Бунга эса Захарова баёнотида «Aмерика маъмуриятининг ҳаракатлари жавобсиз қолмайди», -деди. У Россия оммавий ахборот воситаларига қарши санкцияларни «ўзбошимчалик» ва «ўз миқёсида мисли кўрилмаган репрессиялар»деб ҳисоблайди.
«Қўшма Штатлардаги цензуранинг кенг тарқалиши Вашингтон томонидан олиб борилаётган ихтисослашган халқаро тузилмалар томонидан тегишли баҳоланиши ҳақида ҳеч қандай тасаввурга эга эмасмиз», – деди Захарова.
ТИВ вакилининг таъкидлашича, Aмерика ҳукмрон элитаси жамоатчилик фикрини манипуляция қилади. Захаровага кўра, Россия оммавий ахборот воситаларининг машҳурлиги кўплаб мамлакатларда ўсиб бормоқда, Ғарб оммавий ахборот воситалари эса дунёда содир бўлаётган воқеалар тўғрисида «ёлғон» ва «бир томонлама» маълумот беришмоқда.