Ўзбекистонга ўтган йилга нисбатан 1 миллиард куб метр табиий газ етишмаяпти. Бу ҳақда Статистика агентлиги хабар берди.
Унга кўра, 2024 йилнинг январь май ойларида Ўзбекистонда ўтган йилнинг шу даврига нисбатан 1 млрд куб метр табиий газ етишмади. Шу даврда ишлаб чиқарилган газ ҳажми 18824,4 миллион куб метрни ташкил этган.
Бундан ташқари, кўмир ва нефть қазиб олишда ҳам орқада қолиш кузатилган. Яъни Ўзбекистонда кўмир қазиб олиш 73,7 минг тоннага камайиб, 1901,5 минг тоннани ташкил этган, нефть қазиб олиш эса 22,6 минг тоннага камайиб, 305 минг тонна бўлган.
Маълумот учун, 2023 йил ҳисобида ҳам Ўзбекистонда 10 ойлик газ қазиб олиш ҳажми 4,1 млрд кубометрга камайган.