Унда Ўзбекистон ДХХ раиси Абдусалом Азизов ҳам иштирок этмоқда.
МДҲ мамлакатлари хавфсизлик органлари ва махсус хизматлари раҳбарлари Кенгашининг 55-йиғилиши бўлиб ўтмоқда.
Йиғилиш доирасида Қозоғистон Президенти Қосим-Жомарт Тўқаев МДҲга аъзо давлатлар: Озарбайжон, Арманистон, Беларус, Қозоғистон, Қирғизистон, Россия, Тожикистон, Ўзбекистон делегациялари хавфсизлик органлари ва махсус хизматлари раҳбарлари билан учрашган.
Президент ушбу платформа хавфсизлик соҳасидаги саъй-ҳаракатларни мувофиқлаштириш воситаси сифатида ўзини намоён қилганини ва замонавий шароитда Кенгашнинг роли янада ошаётганини таъкидлаган.
Қозоғистон раҳбари тезкор ва таҳлилий ахборотларни ўз вақтида алмашиш минтақавий хавфсизликка таҳдид ва таҳдидларга қарши курашиш самарадорлигини ошириш имконини беришини, мамлакатларнинг миллий манфаатларини ҳимоя қилиш бўйича мувофиқлаштирилган ёндашувларни ишлаб чиқишга хизмат қилишини урғулаган.
Тўқаев учрашув натижалари Ҳамдўстлик давлатлари махсус хизматлари ўртасидаги ҳамкорликни янада ривожлантириш учун шароит яратиб, халқаро хавфсизлик соҳасидаги ҳамкорликни мустаҳкамлашга ҳисса қўшишига ишонч билдирган.