Бирлашган Миллатлар Ташкилоти Хавфсизлик Кенгаши ўз аъзоларига Бош котиб Антонио Гутерришнинг ишига зарар етказувчи ҳар қандай ҳаракат қилмасликка чақирган. Бу ҳақида «Anadolu» AA хабар берди.
Маълум бўлишича, Швейцариянинг БМТдаги доимий вакили Паскаль Бэрисвиль Хавфсизлик Кенгашининг ёпиқ мажлисидан сўнг 15 аъзо номидан баёнот берган. Айни вақтда Швейцария Кенгашда раислик қилмоқда.
Баёнотда Хавфсизлик Кенгаши аъзолари БМТ Бош котиби Антонио Гутерришни, унинг муҳим бўлган ролини ва БМТ фаолиятини тўлиқ қўллаб-қуқувватлашларини билдирган.
Барча аъзо давлатларнинг бош котиб билан ижобий муносабатда бўлиши зарурлигини қайд этган. Кенгаш аъзолари, Гутерриш ва унга зарар етказувчи ҳар қандай ҳаракатлардан тийилишни маслаҳат берган.
Шунингдек, баёнотда Хавфсизлик Кенгаши аъзолари, Яқин Шарқда кескинлик кучайиб бораётган шароитда БМТ Бош котиби ёки БМТ билан алоқадан воз кечмасликни таъкидлаган.
Бундан олдин Исроил Гутерришни мамлакатда «персона нон грата» деб эълон қилган эди, бу уни Исроилга киришини тақиқлаш деганидир. Бу қарор Гутерришнинг Яқин Шарқдаги вазиятни зудлик билан юмшатишга чақирганидан сўнг эълон қилинган.
Исроил ташқи ишлар вазири Исраил Котс Гутерришни Эроннинг Исроилга қилган ракета ҳужумини «қораламаган»ликда айблаб, бу қарорни изоҳлашга уринган.