Бугун 2025 йилги «Турли миллатга мансуб иммигрантлар визаси – DV» учун рўйхатдан ўтиш бошланди.
АҚШ давлати томонидан ташкил қилинган Грин-карта қандай имкониятлар беради? Унга қандай топширилади? Шунингдек, Грин-карта ютишнинг неча хил йўли бор? Uzdiplomat.uz мухбири бу маълумотларни жамлади.
Расмий равишда доимий резидентлик картаси сифатида танилган Грин-карта AҚШда доимий резидентлик мақомини берадиган ҳужжатдир. Ушбу мақом шахсга Қўшма Штатларда яшаш ва ишлашга имкон беради. Грин-карта одатда 10 йилга берилади, унга эга бўлгандан сўнг 5 йил ўтгач, АҚШ фуқаролигини олиш учун ариза бериш мумкин.
Грин-картани қўлга киритгандан кейин беш йил ўтиши билан Америка фуқаросига айланиш учун АҚШ ҳудудида ҳаммаси бўлиб камида 2,5 йил яшаган бўлиш керак.
2024 йил учун 34,7 миллионга яқин одам Грин-карта олиш учун мурожаат қилган. AҚШ ҳукумати бу йил 1.1 миллион Грин-карта ариза қабул қилишини айтган. Грин-карта ҳеч қандай тўсиқларсиз мамлакатни тарк этиш ва қайтиб келиш, ишлаш, кўчмас мулкка эгалик қилиш, маҳаллий банкларда манфаатлироқ кредитларни олиш, олий таълим муассасаларида чегирмалар билан ўқиш ва AҚШ фуқаролари учун мўлжалланган стипендияларга даъвогарлик қилишга имконият беради.
Маълум бўлишича, Грин-карта ютишнинг 6 хил йўли бор.
1.Грин-карта лотереяси ўйнаш.
Қайд этилишича, йилига тахминан 55 минг виза ажратилади.
- AҚШ фуқароси билан турмуш қуриш орқали. Бунинг алоҳида талаблари мавжуд.
- Оилавий визалар орқали AҚШ фуқаросининг турмуш ўртоғи ва фарзандлари, опа-сингил ёки ака-укалари Грин-карта олиш учун ариза топширишлари мумкин.
- Сиёсий бошпана.
Уни қўлга киритиш учун ўз мамлакатида ирқий, диний, сиёсий ёки бошқа мақсадларда таъқиб қилинаётганини исботловчи далилларни тақдим этиш зарур.
5.Инвестициялар.
Инвестициялар эвазига ҳам Грин-карта эгасига айланиш мумкин.
6.Диверсификацион лотерея
2025 йил учун AҚШнинг Грин-карта лотереяси ҳақида маълумот олиш учун қуйидагиларни бажариш керак.
- Aриза топшириш.
- Aриза муддатлари: Ҳар йили Грин-карта лотереяси учун ариза қабул қилиш одатда октябрь ойида бошланади ва ноябрь ойининг бошида тугайди.
-Aриза топшириш фақат расмий ҳукумат веб-сайти орқали амалга оширилади:
- Ҳеч қандай тўлов олинмайди.
- Aнкета тўлдириш: паспорт маълумотлари, шахсий маълумотлар (исм, фамилия, туғилган сана ва жой), расмингиз ва оилавий ҳолатингиз ҳақида маълумот киритиш сўралади. Расм талаблари қаттиқ белгиланган, шунинг учун эътибор билан тайёрланиши лозим. Натижалар эса кейинги йилнинг май ойида эълон қилинади. Уни ҳам юқорида келтирилган сайт орқали текшириш мумкин.
Aгар ютуқ чиқса, AҚШ элчихонасида интервьюдан ўтиш ва ҳужжатларни текшириш, тиббий кўрикдан ўтиш талаб этилади.
- Грин-карта ютишнинг имкониятлари:
- AҚШда доимий яшаш ва қонуний ишлаш ҳуқуқини беради.
- AҚШда ўқиш имкониятлари кенгаяди, шунингдек, давлат грантлари ва талаба кредитлари учун ариза топшириш мумкин.
- оила аъзолар масалан, турмуш ўртоқ ва 21 ёшгача бўлган фарзандларни ҳам AҚШга олиб келишга имконият беради.
Лотерея тизими тасодифий танлаш асосида бўлиб, ютиш кафолатланмайди. Aгар ютуқ чиқса, бу AҚШда ишлаш учун катта имконият яратади.
Маълумотларга кўра, Грин-карта ютуқ чиққанидан кейин ҳам бир нечта мажбуриятлар бор. Масалан, AҚШда яшаган вақтлари давомида барча даромадлари бўйича федерал, штат ва маҳаллий солиқларни тўлаш каби шартлар.
2022 йилги маълумотларга қараганда, ҳар 200 кишига 1 та ўрин тўғри келган.
Эслатиб ўтамиз, аввалроқ АҚШ элчихонаси Грин-карта 2024 йил учун бошқа берилмаслигини маълум қилганди.