Қирғизистоннинг биринчи Президенти Асқар Акаев Қирғизистон парламети – Юқори Кенгашига ўзининг собиқ президентлик мақомини тиклашни сўраб мурожаат қилган.
Маълум бўлишича, жорий йилнинг 30 июль куни Қирғизистон парламенти спикери Нурланбек Шакиев номига хат келиб тушган. Аммо, бу вақтда депутатлар таътилда бўлишган. Улар 1 сентябрдан иш бошлаганлар.
Қирғизистон Парламенти Конституциявий қўмитаси раҳбари Чўлпон Султонбекованинг «АКИpress»га маълум қилишича , қўмита унинг хатини 5 сентябрь куни эрталаб олган ва ҳозиргача чуқур ўрганмаган.
Мактубни ўқиб чиққан Султонбекова уни фракция етакчиларига жўнатган. Шундан кейин музокаралар бўлиб ўтган.
Султонбекованинг айтишича, бу жуда узоқ жараён ва парламент қандай қарор қабул қилиши номаълум.
Маълумот учун, Акаев мустақил Қирғизистоннинг биринчи президенти ва халқ инқилобида ҳокимиятдан ағдарилган биринчи президент.