Хавфсизликни таъминловчи кучлар раҳбарлари иштирокидаги учрашувда нима муҳокама қилинди?
4-5 сентябрь кунлари Тошкентда Мустақил давлатлар Ҳамдўстлиги (МДҲ) ва Шанхай ҳамкорлик ташкилоти (ШҲТ) нинг терроризмга қарши курашга доир Ўнинчи конференцияси ўтказилди.
Қайд этилишича, конференцияда замонавий воқеликда терроризм ва экстремизмга қарши курашиш бўйича тажриба алмашилди. МДҲнинг терроризмга қарши кураш маркази матбуот хизматига кўра, Ўзбекистон пойтахтида биринчи марта МДҲнинг терроризм ва экстремизмга қарши кураш бўйича конференцияси ва ШҲТнинг минтақавий аксилтеррор тузилмаси (МАТТ) илмий-амалий конференцияси ўтказилди.
Кимлар иштирок этди?
Йиғилиш иштирокчилари МДҲга аъзо 20 давлат ва ШҲТга аъзо мамлакатларнинг ваколатли органлари, хусусан, МДҲ органларининг 9 та ишчи тузилмаси ва ШҲТнинг 2 та органи вакили қатнашди.
Бундан ташқари, унда 6 та халқаро ташкилотнинг 10 та ваколатли органи ҳамда МДҲ ва ШҲТ мамлакатларининг 22 та илмий-тадқиқот ва таълим ташкилоти вакиллари иштирок этди. Aнжуманда терроризм ва экстремизмга қарши курашиш бўйича миллий тажриба алмашилди.
Халқаро терроризмга қарши ҳамкорлик масаласи, терроризмга қарши фаолиятни илмий-таълим билан таъминлашни такомиллаштириш муҳокама қилинди.
Президент Шавкат Мирзиёевнинг иштирокчиларга йўллаган мурожаатномасида геосиёсий кескинликнинг ошиши, можароларнинг кучайиши, мамлакатлар ўртасидаги ишонч танқислиги экстремизмга қарши курашиш бўйича халқаро ҳамкорликнинг ривожланишига салбий таъсир кўрсатаётганини таъкидланган.
Шу билан бирга, киберҳужумда хавф-хатарлар кучайгани, чегара ва қонунчилик нормаларини тан олмайдиган интернет каналлари орқали ёллаш ва радикаллаштириш бўйича фаол ишлар олиб борилаётганини урғуланди.
Aбдусалом Aзизов эса терроризмга қарши курашда Ўзбекистоннинг Aфғонистон билан ҳамкорлигини муҳим деб баҳолаган.
Ўзбекистон Давлат хавфсизлик хизмати раҳбари Aфғонистон ва Ўзбекистон ўртасида ахборот алмашинуви ва мувофиқлаштирилган, изчил фаолият олиб борилаётганини айтган.
Азизов Ислом амирлигининг ИШИДга қарши курашини юқори баҳолаб, Шанхай ҳамкорлик ташкилотига аъзо давлатлар учун ИШИДга қарши биргаликда курашиш зарурлигини қўшимча қилди.
«Aфғонистон ҳукумати ўз имкониятлари доирасида халқаро терроризмга қарши курашмоқда. Aфғон кучлари ИШИДга қарши курашда биринчи ўринда туради ва аниқ натижаларга эришди. Шунинг учун афғон шериклари бу масалада ёлғиз қолмаслиги керак. Хавфсизлик интеграцияси принципига асосланиб, душманни биргаликда мағлуб этиш лозим.»
Учрашувда ШҲТнинг минтақавий аксилтеррор тузилмаси Ижроия қўмитаси директори Руслан Мирзаев ҳам Aфғонистондаги хавфсизлик ҳолати яхшиланаётганини айтди.
«Aфғонистонда янги ҳукумат ўрнатилиши билан хавфсизлик масалалари ижобий томонга ўзгарди. Янги ҳукумат томонидан бу борада жиддий саъй-ҳаракатлар давом эттирилди, барча соҳалар назорат остида ва улар ўзгармоқда»,- деди Мирзаев.
Шу билан бирга, Афғонистон вакили Ўзбекистон разведкаси раҳбарининг позициясини мамнуният билан қабул қилди. Aфғонистонда ИШИД тор-мор қилинганини билдирди.
«Ислом амирлиги ИШИД фаолиятини чеклаб, гуруҳнинг имкониятларини йўқ қилгани, шунингдек, гиёҳванд моддаларни етиштириш, ишлаб чиқариш ва сотишда жиддий ҳаракат қилгани ҳақиқатдир», – дейди Ислом амирлиги вакилининг ўринбосари Ҳамдуллоҳ Фитрат.
Афғонистон минтақа ва дунё мамлакатлари билан турли соҳалардаги икки томонлама ҳамкорлик ва муносабатларга содиқлигини айтган.